Messi ជម្រុញឱ្យ Barcelona ចូលរួមប្រជែងជាមួយនឹង Arsenal ចរចាយកកីឡាករ១រូបក្នុងតម្លៃ៣០លានអឺរ៉ូ

អេស្ប៉ាញ៖ តាមសេចក្តីរាយការណ៍បានអោយដឹងថា កីឡាករ Lionel Messi បានជម្រុញអោយក្លិប Barcelona ចូលរួមប្រជែងជាមួយនឹង Arsenal ដើម្បីចចារយកកីឡាករ Unai Nunez ពីក្លិប Athletic Bilbao។

តាមរយៈកាសែត Daily Mail បានឱ្យដឹងថា ក្លិប​ Everton និង Arsenal កំពុងតាមប្រមាញ់យកកីឡាករ Unai Nunez ពី Athletic Bilbao។

យោងតាមកាសែត Don Balon បានឱ្យដឹងថា កីឡាករ Lionel Messi បានផ្ដល់យោបល់ឱ្យក្លិប ​Barcelona ចុះកិច្ចព្រមព្រៀងយកកីឡាករ Nunez មកកាន់ទឹកដី Nou Camp ដែលបច្ចុប្បន្នខ្សែការពាររូបនេះ មានតម្លៃប្រមាណ៣០លានអឺរ៉ូ (ឬប្រហែល៣៣លានដុល្លារអាមេរិក)។

ក្លិប Barcelona អាចនឹងពិចារណាក្នុងការទិញខ្សែការពាររូបនេះ បន្ទាប់ពីក្លិបកំពុងខ្វះកម្លាំងក្នុងតំបន់ការពារដោយសារតែខ្សែការពារ Samuel Umtiti បានរងរបួស។

គួរបញ្ជាក់ផងដែរថា កីឡាករវ័យ២២ឆ្នាំរូបនេះ មិនសូវជាពេញចិត្តនឹងអ្នកចាត់ការទូទៅ លោក Gaizka Garitano នោះទេ បន្ទាប់ពីរូបគេបង្ហាញខ្លួនបានតែ ៣ដងប៉ុណ្ណោះ ក្នុងរដូវកាលនេះ ដោយកន្លែងរបស់គេត្រូវបានជំនួសដោយកីឡាករ Yeray Alvarez និង Inigo Martinez ដែលនេះអាចជាកត្តាមួយជម្រុញអោយកីឡាករ Unai Nunez ចង់ចាកចេញពីក្លិប៕

ប្រភព៖ Caughtoffside