ភ្នំពេញ៖ សាធារណជនគ្រប់រូប គឺត្រូវបានអញ្ជើញមកកម្មវិធីទិវា «សិទ្ធិក្នុងការជ្រើសរើស» នៅថ្ងៃទី១៧ ខែតុលា ដើម្បីអបអរ និងលើកកម្ពស់ស្រ្តីក្នុងការទទួលបានព័ត៌មាន និងធ្វើការសម្រេចចិត្តលើសិទ្ធិក្នុងការបន្តពូជរបស់គាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅឆ្នាំទី២នេះ ទិវាសិទ្ធិក្នុងការជ្រើសរើសដែលជាកម្មវិធីផ្តួចផ្តើមដោយអង្គការ Marie Stopes នឹងត្រឡប់មកវិញ ដើម្បីលើកកម្ពស់ស្រ្តីក្នុងគ្រប់គ្រងជីវិតរបស់គាត់ និងអនុវត្តសិទ្ធិនៃការទទួលបានព័ត៌មានពីជម្រើសសុខភាពបន្តពូជ និងសេវាកម្មដែលមានសុវត្ថិភាព រួមមានទាំងការរំលូតកូនដោយសុវត្ថិភាពផងដែរ។
បើទោះបីជាសេវាកម្មរំលូតកូនស្របច្បាប់ក៏ដោយ ប៉ុន្តែព័ត៌មានពីសេវាកម្មនេះនៅមានកម្រិត ហើយនៅតែជាប្រធានបទ ដែលមិនត្រូវបានជជែកនៅប្រទេសកម្ពុជា ដែលនាំឲ្យស្រ្តីទៅស្វែងរកសេវាកម្មដែលមិនមានសុវត្ថិភាព ដោយសារតែការភ័យខ្លាច ខ្មាសអៀន ឬមិនមានព័ត៌មានគ្រប់គ្រាន់។ ការបំបាត់ការរំលូតកូនដោយមិនមានសុវត្ថិភាព និងធានាថាទារកគ្រប់រូប គឺសុទ្ធតែទទួលបានការត្រូវការ គឺជាគុណតម្លៃរបស់អង្គការ Marie Stopes តាំងពីពេលចាប់ផ្តើមដំបូងនៅប្រទេសកម្ពុជានាឆ្នាំ១៩៩៨។
សាធារណជនគ្រប់ភេទទាំងអស់បានអញ្ជើញឲ្យចូលរួមក្នុងកម្មវិធី ដែលធ្វើឡើងមួយកំណាត់ថ្ងៃនេះ ដោយមានព័ត៌មាន និងសកម្មភាពកម្សាន្តជាច្រើននៅ Futures Factory វេលាម៉ោង១ដល់ម៉ោង៦ល្ងាច។ កម្មវិធីនេះរួមមានការតាំងពិព័រណ៌រូប ល្បែងកម្សាន្ត ការសម្តែង ការគូរគំនូរ ការប្រឹក្សាយោបល់ដោយឥតគិតថ្លៃ និងការចូលរួមរបស់ Feminist Voices។
សម្រាប់ព័ត៌មានបន្ថែម សូមចូលទៅ www.facebook.com/MarieStopesKH ។
អ្នកចូលរួមមិនត្រឹមតែបានដើរមើលកម្សាន្ត និងចូលរួមក្នុងសកម្មភាពដែលពួកគេចង់ទេ ប៉ុន្តែពួកគាត់ក៏បានចូលរួមក្នុងការសិក្សាពីសុខភាពបន្តពូជ វិធីសាស្រ្តពន្យារកំណើត និងការរំលូតកូនដោយសុវត្ថិភាព ក៏ដូចជាដើរតួនាទីយ៉ាងសំខាន់ក្នុងការលើកកម្ពស់ស្រ្តីឲ្យគ្រប់គ្រងរាងកាយរបស់គាត់ និងធ្វើការសម្រេចចិត្តដ៏ល្អចំពោះសុខភាពគាត់ និងអនាគតរបស់គាត់។
អ្នកស្រី Amy Williamson នាយកប្រចាំប្រទេសរបស់អង្គការ Marie Stopes បានឲ្យដឹងថា៖
អ្នកស្រីបានសម្តែងគំនិតវិជ្ជមានទៅលើអនាគតនៃសិទ្ធិសុខភាពបន្តពូជរបស់ស្រ្តីនៅប្រទេសកម្ពុជាថា៖
ទិវាសិទ្ធិក្នុងការជ្រើសរើស គឺជាកម្មវិធីដែលចូលរួមដោយសេរី និងស្វាគមន៍សាធារណជនទាំងអស់។ ដើម្បីបង្ហាញពីការគាំទ្រ យើងលើកទឹកចិត្តឲ្យពួកគេចែករំលែកកម្មវិធីនេះ និងរូបភាពតាមរយៈបណ្តាញសង្គមជាមួយនឹង #PowerofChoice។
ស្ត្រីទាំងឡាយដែលមានបំណងចង់ទទួលបានដំបូន្មានល្អៗអំពីមធ្យោបាយពន្យារកំណើត ឬជម្រើសផ្សេងៗទាក់ទងនឹងការមានផ្ទៃពោះដោយចៃដន្យ ឬឥតព្រាងទុក អាចទំនាក់ទំនងទៅកាន់អង្គការម៉ារីស្តូបបាន។ ពួកគេអាចទូរស័ព្ទទៅកាន់ អង្គការម៉ារីស្តូប តាមរយៈទូរស័ព្ទលេខ ០១២ ៩៩៩ ០០២ ឬ០៩៨ ៩៩៩ ១០២ ឬតាមរយៈបណ្ដាញហ្វេសប៊ុក www.facebook.com/MarieStopesKH។ ស្ត្រីទាំងអស់ក៏អាចអញ្ជើញមកកាន់ គ្លីនិកម៉ារីស្តូប ដោយផ្ទាល់ ដែលមានទីតាំងនៅក្នុងប្រទេសកម្ពុជា ឬនៅតាមសេវាសុខភាពសាធារណៈ ដើម្បីសាកសួរព័ត៌មានផ្សេងៗ។ សូមចូលទៅកាន់គេហទំព័ររបស់អង្គការម៉ារីស្តូប ដែលមានអាស័យដ្ឋាន៖ www.mariestopes.org.kh៕