ផ្ទុះការភ្ញាក់ផ្អើល ក្រោយរកឃើញចំណុចសង្ស័យពាក់ព័ន្ធនឹងការស្លាប់របស់ Sulli នៅកន្លែងកើតហេតុ

កូរ៉េខាងត្បូង៖ បើគិតទៅ មរណភាពរបស់ អតីតសមាជិកក្រុម F(x) នាង Sulli បានកន្លងផុតប៉ុន្មានថ្ងៃហើយ តែនៅតែក្លាយជាប្រធានបទដ៏ក្ដៅគគុក សម្រាប់សារពត៌មានប្រចាំប្រទេសកូរ៉េ ព្រមទាំងប្រទេសជាច្រើនទៀតផងដែរ។

ជាពិសេស ការចាកចេញគ្មានថ្ងៃវិលត្រលប់របស់ Sulli ហាក់ដូចជាធ្វើឲ្យអ្នកគាំទ្រទាំងអស់ពិបាកទទួលយក និងមិនអស់ចិត្តចំពោះហេតុផល ដែលបណ្ដាលឲ្យតារាស្រី ដែលធ្លាប់តែមានស្នាមញញឹមស្រស់ថ្លារូបនេះ ដាច់ចិត្តធ្វើអត្តឃាត ដោយសារតែជំងឺបាក់ទឹកចិត្តនោះទេ។

យ៉ាងណាមិញ ស្រាប់តែថ្ងៃនេះដែរ មានការភ្ញាក់ផ្អើលមួយ ក្រោយពីបានរកឃើញ រឿងដ៏គួរឲ្យសង្ស័យមួយពាក់ព័ន្ធនឹងការស្លាប់របស់Sulli។

ជាក់ស្ដែង បើយោងតាមប្រភពមួយបានឲ្យដឹងថា ក្រោយពេលកើតហេតុបន្តិច ប៉ូលីសបានរកឃើញប្រអប់ម្ហូបអាហារស្រស់ៗ ដែលកុម៉្មង់តាមអនឡាននៅមាត់ទ្វារបន្ទប់របស់ Sulli។

អ្វីដែលធ្វើឲ្យមិត្តៗ ក្នុងបណ្ដាញសង្គម មិនជឿថា Sulli មានជំងឺ Depression នោះគឺ ប្រសិនបើនាងធ្លាក់ក្នុងស្ថានភាពជំងឺបែបនេះ រហូតដល់ថ្នាក់គិតខ្លីមែន តារា K-Pop​​​​​​​​​​​​​​​​ រូបនេះ ប្រាកដជាមិនមានអារម្មណ៍ឃ្លាន និងបានកុម្ម៉ង់ម្ហូបចំណីអាហារតាម Online នោះទេ ដែលរឿងនេះហើយធ្វើឲ្យហ្វេនៗនៅតែមិនអស់ចិត្ត​ និងព្រួយបារម្ភយ៉ាងខ្លាំង។

គួរបញ្ជាក់ទៀតដែរថា មានមហាជនមួយរូប បានបញ្ចេញមតិថា៖

ប៉ុន្តែ ផ្ទុយទៅវិញ Sulli បែរជានៅតែឃ្លាន ហើយប្រើប្រាស់បណ្ដាញសង្គម មុនពេលស្លាប់ទៀត ដែលទាំងអស់នេះហើយ ជាចំណុចសង្ស័យថា មរណភាពរបស់ Sulli ដូចជាអាថ៌កំបាំងខ្លាំងណាស់៕