អេស្ប៉ាញ៖ ក្លិប Real Madrid ត្រូវបានគេរាយការណ៍ថាបាននាំមុខក្លិប Barcelona ក្នុងការចុះហត្ថលេខាយកកីឡាករវ័យក្មេងសញ្ជាតិប្រេស៊ីលកីឡាករ Reinier ពីក្លិប Flamengo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមកាសែត Don Balon បានអោយដឹងថាប្រធានក្លិប Real Madrid លោក Perez បានពេញចិត្តជាខ្លាំងទៅលើកីឡាករវ័យក្មេងសញ្ជាតិប្រេស៊ីលរូបនេះ។
យ៉ាងណាមិញក្លិប Real Madrid ប្រហែលជាត្រូវចំណាយលុយច្រើនក្នុងការនាំយកខ្សែបម្រើប្រយុទ្ធរូបនេះពីក្លិប Flamengo ដោយបច្ចុប្បន្នរូបគេមានតម្លៃខ្លួនប្រមាណ២៨លានអឺរ៉ូ(ឬប្រហែល៣១លានដុល្លារអាមេរិក)។
មិនមែនមានតែ Barcelona និង Real Madrid នោះទេដែលចាប់អារម្មណ៍ទៅលើកីឡាកររូបនេះដោយរូបគេបានទទួលបានការចាប់អារម្មណ៍ពីក្លិបធំៗជាច្រើនទៀតនៅអឺរ៉ុបរួមមានក្លិប Monaco, PSG, Lyon, Real Betis, Dortmund, RB Leipzig, AC Milan និង Chelsea ។
គួរម្លឹកផងដែរថាកីឡាករសញ្ជាតិប្រេស៊ីលរូបនេះស៊ុតបញ្ចូលទីបាន៣គ្រាប់និងបញ្ជូនបាល់អោយមិត្តរួមក្រុមសម្រេចទីបាន១ដងក្នុងចំណោម៦ប្រកួតរដូវកាលនេះ៕
ប្រភព៖ Caughtoffside