អីយ៉ាស! Real Madrid មើលឃើញខ្សែបម្រើឆ្នើមម្នាក់របស់ PSG ដើម្បីមកជំនួសកន្លែងរបស់ Modric

អេស្ប៉ាញ៖ Real Madrid បានចាប់អារម្មណ៍ដាក់សំណើសុំទិញខ្សែបម្រើ Marco Verratti របស់ Paris Saint-Germain ដើម្បីមកប៉ះប៉ូវកន្លែងរបស់ Luka Modric ដែលនឹងមានភាគរយខ្ពស់ចាកចេញពីកីឡដ្ឋាន Santiago Bernabeu នៅទីផ្សាររដូវក្ដៅលើកក្រោយ។

ខ្សែបម្រើជម្រើសជាតិអ៊ីតាលី Verratti បានបើកចិត្តក្នុងការផ្លាស់មកលេងនៅទឹកដីអេស្ប៉ាញ បើសិនជា​ Paris Saint-Germain ខកខានក្នុងការឈ្នះពាន UEFA Champions League នៅរដូវកាលនេះ។

តាមប្រភពពីក្នុងប្រទេសអេស្ប៉ាញបានឲ្យដឹងថាប្រធានក្លិប Real Madrid លោក Florentino Perez បានចាប់អារម្មណ៍ចង់បានខ្សែបម្រើវ័យ ២៦ឆ្នាំ Verratti ដើម្បីមកជំនួសកន្លែងលេងរបស់ Modric ដែលខ្សែបម្រើវ័យ ៣៤ឆ្នាំអាចនឹងចាកចេញពីក្លិបនៅពេលចប់រដូវកាលនេះ។

ចំពោះតម្លៃខ្លួនរបស់ខ្សែបម្រើដែលបង្ហាញខ្លួនឲ្យ PSG បានចំនួន ២៨២ប្រកួតរូបនេះ ត្រូវបានគេដឹងថាក្លិបអ្នកមាននៅបារាំងទាមទារចន្លោះ ១០០លានផោន៕

ប្រភព៖ SportsMole