អង់គ្លេស៖ អ្នកចាត់ការទូទៅក្លិប Manchester City លោក Pep Guardiola ត្រូវបានគេរាយការណ៍ថាបានដាក់ការចាប់អារម្មណ៍ទៅលើខ្សែបម្រើសញ្ជាតិក្រូអាតកីឡាករ Ivan Rakitic។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Rakitic ជាកីឡាករសំខាន់១រូបរបស់ក្លិប Barcelona ចាប់តាំងពីគេផ្ទេរមកពីក្លិប Sevilla កាលពីឆ្នាំ២០១៤មកម្ល៉េះ។
កីឡាកសញ្ជាតិក្រូអាតវ័យ៣១ឆ្នាំរូបនេះបង្ហាញខ្លួនអោយ Barcelona បានត្រឹមតែ៦ដងប៉ុណ្ណោះក្នុងចំណោម១០ប្រកួតក្នុងរដូវកាលនេះដោយកន្លែងរបស់គេត្រូវជំនួសដោយកីឡាករចំណូលថ្មី Frenkie de Jong។
កុងត្រារបស់ Rakitic ជាមួយនឹងក្លិប Barcelona នឹងត្រូវផុតកំណត់ក្នុងឆ្នាំ២០២១ខាងមុខនេះ ប៉ុន្តែគាត់ប្រហែលជាអាចចាកចេញមុនពេលកំណត់នេះបើយោងតាមសេចក្ដីរាយការណ៍របស់គេហទំព័រ Sport ។ ហើយបើយោងតាមសេចក្ដីរាយការណ៍ថ្មីមួយទៀតរបស់កាសែត Diario Gol បានអោយដឹងថាលោក Guardiola អ្នកចាត់ការទូទៅរបស់ក្រុម Manchester City បានចាប់អារម្មណ៍យ៉ាងខ្លាំងទៅលើខ្សែបម្រើសញ្ជាតិក្រូអាតរូបនេះថែមទាំងចង់ផ្ទេរយករូបគេពី Barcelona នៅខែមករាខាងមុខនេះទៀតផង។
យោងតាមគេហទំព័រ Transfermarkt បានអោយដឹងថាតម្លៃខ្លួនបច្ចុប្បន្នរបស់កីឡាករ Rakitic មានតម្លៃ ៣៥លានអឺរ៉ូ (ឬប្រហែល ៣៨លានដុល្លារអាមេរិក)។
គួររម្លឹកផងដែរថាកីឡាករ Rakitic បង្ហាញខ្លួនបាន ២៧៤ ប្រកួតឲ្យក្លិប Barcelona ដោយរកបាន ៣៤ គ្រាប់និងបញ្ជូនបាល់អោយមិត្តរួមក្រុមស៊ុតបញ្ចូលទីបានចំនួន ៣៧ ដង៕
ប្រភព៖ Caughtoffside