ប្រាសាក់ ក្លាយជាសមាជិកថ្មីរបស់ប្រព័ន្ធទូទាត់បាគង!

ភ្នំពេញ៖ កាលពីពេលថ្មីៗនេះ ប្រាសាក់ ដែលជាគ្រឹះស្ថានហិរញ្ញវត្ថុធំជាងគេនៅកម្ពុជា បានក្លាយជាសមាជិកថ្មីនៃប្រព័ន្ធបាគង ដែលជាកម្មវិធីទូទាត់នៅលើទូរស័ព្ទដៃ ដែលអនុញ្ញាត​ឱ្យអតិថិជន​​អាច​ធ្វើប្រតិបត្តិការអន្តរធនាគារ និងទូទាត់វិក្កយបត្របានយ៉ាងងាយស្រួលនៅកម្ពុជា។

ផ្ដួចផ្ដើមឡើង និងចាត់ចែងដោយធនាគារជាតិនៃកម្ពុជា គម្រោងប្រព័ន្ធបាគងនេះមានគោលបំណង​ជម្រុញ​ប្រព័ន្ធទូទាត់​ឱ្យកាន់តែមានប្រសិទ្ធភាព និងលើកកម្ពស់បរិយាប័ន្នហិរញ្ញវត្ថុ​នៅកម្ពុជា។

លោក សាយ សូនី នាយកប្រតិបត្តិ​របស់ប្រាសាក់ បានមានប្រសាសន៍ថា៖

លោកបន្ថែមថា៖

លោកក៏បានលើកឡើងផងដែរថា បាគង គឺជាកម្មវិធីទូរស័ព្ទតែមួយគត់ ដែលរួមបញ្ចូលគ្នានូវសេវាកាបូបលុយអេឡិចត្រូនិក ការទូទាត់តាមទូរស័ព្ទចល័ត ការធ្វើសេវាធនាគារតាមអនឡាញ និងសេវាកម្មហិរញ្ញវត្ថុផ្សេងទៀត​ ដែលមានមុខងារងាយស្រួលប្រើជាងគេ ដំបូងគេ និងមានធនាគារជាដៃគូច្រើនជាងគេបង្អស់នៅកម្ពុជា។

លោក សាយ សូនី ក៏បានគូសបញ្ជាក់ផងដែរថា កម្មវិធីទូទាត់​ដ៏អស្ចារ្យ​នេះ​ដើរតួនាទីយ៉ាងសំខាន់​ក្នុងការ​ជំរុញកំណើន​ប្រកបដោយបរិយាប័ន្ន និងការកាត់បន្ថយភាពក្រីក្រ ព្រមទាំងជាយានក្នុងការអូសទាញកំណើន​យ៉ាងរឹងមាំ​នៅក្នុងយុគសម័យ​ឌីជីថលនេះ។

លោកក៏បានបញ្ជាក់ទៀតថា គម្រោងបាគង​នេះ គឺជាគម្រោងមួយក្នុងចំណោមគម្រោងនានា​ដែល​ប្រាសាក់​បានសហការ​ជាមួយធនាគារជាតិនៃកម្ពុជា ក្នុងការធ្វើ​ឱ្យ​ការទូទាត់​កាន់តែមាន​ប្រសិទ្ធភាពដូចជា សេវាទូទាត់រហ័ស និងខេមបូឌាន ស៊ែរ ស្វ៊ីច ជាដើម។

សូមដោនឡូតយកកម្មវិធី បាគង ឥឡូវនេះពីក្នុង៖
App Store (https://apps.apple.com/us/app/bakong/id1440829141) ឬ
Play Store (https://play.google.com/store/apps/details?id=jp.co.soramitsu.bakong) និងរីករាយជាមួយមធ្យោបាយថ្មីនៃការទូទាត់ និងផ្ទេរប្រាក់ នៃយុគសម័យថ្មី​ដោយភាពងាយស្រួល និងសុវត្ថិភាព៕