ភ្នំពេញ៖ នៅថ្ងៃទី២៦ ខែតុលា ឆ្នាំ២០១៩ ខាងមុខនេះ សហភាពសហព័ន្ធយុវជនកម្ពុជារាជធានីភ្នំពេញ សហការជាមួយនឹងគេហទំព័របង្រៀនតាមអនឡាញ E-School Cambodia និងក្រុមហ៊ុន TrueMoney រៀបចំនូវកម្មវិធី «រាត្រីជួបជុំអ្នកសរសេរកូដកម្ពុជា ឆ្នាំ២០១៩» ក្រោមប្រធានបទ «យុវជននាយុគសម័យបដិវត្តន៍ឧស្សាហកម្ម ៤.០» កម្មវីធីនេះជាកម្មវិធីដ៏ធំមួយ និងលើកដំបូងបំផុតនៅកម្ពុជា ដែលរៀបចំឡើងនៅសណ្ឋាគារ ណាហ្គាវើលដ៍១ ជាន់ទី២ នៅវេលាម៉ោង៥ល្ងាច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលពិសេសនៅក្នុងកម្មវីធីនោះ គឺមានអ្នកវាគ្មិនមកពីអូស្រ្តាលី កូរ៉េ និងជប៉ុន ដែលផ្តល់ជាកិត្តិយចែករំលែកបទពិសោធន៍នៅក្នុងកម្មវិធីរាត្រីជូបជុំនេះ ហើយក៏ជាពេលវេលាមួយសម្រាប់អ្នកសរសេរកូដជួបពិភាក្សា ចែករំលែកចំណេះដឹង បទពិសោធន៍ និងការផ្ដល់នូវ ឱកាសសិក្សានៅបរទេស ក៏ដូចជាឱកាសការងារជាច្រើន។
លោក ឈន ឈុនឡេង ប្រធានគណៈកម្មការរៀបចំកម្មវិធី បានបង្ហើបឲ្យដឹងថា៖
ហេតុនេះហើយ គណៈកម្មការរៀបចំកម្មវិធី សង្ឃឹមយ៉ាងមុតមាំថា តាមរយៈកិច្ចសហប្រតិបត្តិការបែបនេះ យើងអាចបង្កើតនូវលក្ខខណ្ឌចាំបាច់ធ្វើឲ្យមានការផ្លាស់ប្តូរជាវិជ្ជមាន និងផ្ដល់លទ្ធភាពឲ្យមានការសម្របខ្លួន ដើម្បីឈានទៅសម្រេច លទ្ធផលជាវិជ្ជមានសម្រាប់សេដ្ឋកិច្ច និងសង្គមជាតិកម្ពុជារបស់យើង ដើម្បីបន្តអនុវត្តន៍លើសមិទ្ធិផលរបស់រាជរដ្ឋាភិបាល ដែលសម្រេចបានកន្លងមក និងជំរុញការអនុវត្តយុទ្ធសាស្រ្តចតុកោណដំណាក់កាលទី៤ ព្រមទាំង បណ្តុះវប្បធម៌ដឹកនាំផ្នែកលើ Transformative Leadership ដើម្បីអភិវឌ្ឍមូលធនមនុស្ស គុណភាព ប្រសិទ្ធភាព និងប្រសិទ្ធផលខ្ពស់ ប្រកបដោយឧត្តមភាពប្រកួតប្រជែងផងដែរ។
គួរបញ្ជាក់ផងដែរថា សម្រាប់ការចូលរួមនៅក្នុងកម្មវិធីនេះដោយឥតគិតថ្លៃ សូមធ្វើការចុះឈ្មោះតាមរយៈ Link ដូចខាងក្រោម៖ http://bit.ly/CSAP_PreReg៕