ក្រុមហ៊ុន Mazda បានជូនកាដូរថយន្តស៊េរីទំនើបមួយគ្រឿងតម្លៃជាង៨ម៉ឺនដុល្លារដល់ ​ខេមរៈ សិរីមន្ត! (មានវីដេអូ)

«នាងខ្ញុំសូមថ្លែងអំណរគុណយ៉ាងជ្រាលជ្រៅដល់ភ្ញៀវកិត្តិយសទាំងអស់ ដែលបានចំណាយ ពេលវេលាដ៏មានតម្លៃដើម្បីចូលរួមអបអរសាទរកម្មវិធីចុះហត្ថលេខា ទូតសុឆន្ទៈជាផ្លូវការរវាងក្រុមហ៊ុន Mazda ប្រចាំប្រទេសកម្ពុជា ជាមួយតារាចម្រៀងដែលមានប្រជាប្រិយភាព​ និងល្បីល្បាញប្រចាំប្រទេសកម្ពុជាគឺលោក «ខេមរៈ សិរីមន្ត»។ អស់លោក លោកស្រី អ្នកនាងកញ្ញា ព្រមទាំងភ្ញៀវកិត្តិយស និងអ្នកសារព័ត៌មានទាំងអស់ ដែលមានវត្តមាននៅទីនេះ ប្រាកដជាបានជ្រាបរួចមកហើយថាលោក «ខេមរៈ សិរីមន្ត» គឺជាតារាចម្រៀងដ៏មានប្រជាប្រិយភាពបំផុតនាពេលកន្លងមក និងពេលបច្ចុប្បន្ន។ ក្នុងនាមខ្ញុំជាអ្នកតំណាងឱ្យ ក្រុមហ៊ុន អេច ជី ប៊ី អូតូ នាងខ្ញុំពិតជាមានភាពជឿជាក់យ៉ាងមុតមាំថា យើងនឹងទទួលបានការគាំទ្រកាន់តែច្រើនឡើងៗពីសំណាក់អតិថិជន និងអ្នកគាំទ្ររបស់លោក «ខេមរៈ សិរីមន្ត» ហើយអ្វីដែលកាន់តែពិសេសគឺ ក្រុមហ៊ុន Mazda តែងតែបានផ្តល់ជូននូវរថយន្តដែលមានទំនុកចិត្ត គុណភាពខ្ពស់ សុវត្ថិភាព ផាសុកភាព ភាពស្រស់ស្អាត​ដល់អតិថិជន»។

«ជាក់ស្តែងក្នុងឱកាសដ៏មានតម្លៃនេះ នាងខ្ញុំក៏ចង់ជម្រាបជូនដល់អតិថិជនទាំងអស់ឱ្យបានជ្រាបថា កម្មវិធីប្រូម៉ូសិន ចែកមាសសុទ្ឋសរុប ១២ គីឡូ របស់យើង ការលក់ និងបានកក់រថយន្ត Mazda គឺមានចំនួនច្រើនលើសលប់រហូតដល់ទៅជិត ២,០០០ គ្រឿង ហើយ​ត្រឹមរយៈពេលជាងពីរខែប៉ុណ្ណោះ ដូច្នេះហើយសម្រាប់អតិថិជនដែលមិនទាន់បានជាវ និងកក់សូមមេត្តារុះរាន់ឡើង។ អ្វីដែលពិសេសមួយទៀតនោះគឺ Mazda និងនាំរថយន្តដែលជាម៉ូដែលថ្មីៗ និង​ជាប្រ​ភេទរថយន្តជំនាន់ទី៧របស់យើងនឹងមកដល់ក្នុងពេលឆាប់ៗនេះហើយ។ ជាចុងក្រោយនេះក្នុងនាមនាងខ្ញុំតំណាងឲ្យក្រុមហ៊ុន សូមថ្លែងអំណរគុណយ៉ាងជ្រាលជ្រៅចំពោះវត្តមាន ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ដែលតែងតែគាំទ្ររថយន្ត MAZDA កន្លងមក និងដល់ភ្ញៀវកិត្តិយសទាំងអស់ដែលបានចំណាយពេលវេលាដ៏មានតម្លៃចូលរួមកម្មវិធីនេះផងដែរ សូមជូនពរឲ្យទទួលបានសុខភាពល្អ សំណាងល្អ និងជោគជ័យគ្រប់ភារៈកិច្ច»។

«ថ្ងៃនេះផងដែរ ជាថ្ងៃចាប់ផ្តើមមួយរបស់ខ្ញុំជាមួយ Mazda ខ្ញុំពិតជាមានសេចក្តីសោមនស្សរីករាយយ៉ាងខ្លាំង និងមានមោទនភាពដែលបានធ្វើជាទូតសុឆន្ទៈរបស់ក្រុមហ៊ុន Mazda  ប្រចាំប្រទេសកម្ពុជា លើសពីនេះទៅទៀតខ្ញុំបាទសូមថ្លែងអំណរគុណយ៉ាងក្រៃងលែងដល់ក្រុមហ៊ុន Mazda ដែលបានទុកចិត្ត និងជឿជាក់​លើរូបខ្ញុំ​។​ ហើយខ្ញុំក៏មានភាពរីករាយយ៉ាងខ្លាំងជាមួយក្រុមហ៊ុនដែលបានជូនកាដូរថយន្ត Mazda CX-9 ដ៏ថ្មីសន្លាងជូនមកខ្ញុំបាទ។លោកអ្នកបា្រកដជាបានជ្រាបរួចមកហើយថា រថយន្ត Mazda ជារថយន្តដែលមានគុណភាពខ្ពស់ និងមានកេរ្តិ៍ឈ្មោះល្បីល្បាញលើសកលលោកជាយូរមកហើយ ជាពិសេសរថយន្ត Mazda មានច្រើនម៉ូដែល ច្រើនជម្រើស ដោយបំពាក់បច្ចេកវិទ្យាទំនើបៗ រូបរាងដ៏គួរឱ្យទាក់ទាញ នឹងធ្វើឱ្យលោកអ្នកពោរពេញទៅដោយភាពរីករាយជាមួយក្រុមគ្រួសារ ក៏ដូចជាមិត្តភក្តិ។ ជាចុងក្រោយនេះខ្ញុំបាទសូមថ្លែងអំណរគុណយ៉ាងជ្រាលជ្រៅចំពោះវត្តមាន ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា និងភ្ញៀវកិត្តិយសទាំងអស់ដែលបានចំណាយពេលវេលាដ៏មានតម្លៃចូលរួមកម្មវិធីនេះ។ សូមគោរពជូនពរដល់ភ្ញៀវកិតិ្តយសទាំងអស់ឲ្យទទួលបានសុខភាពល្អ សំណាងល្អ ធ្វើដំណើរទីជិតទីឆ្ងាយ ប្រកបដោយសុវត្ថិភាព គ្រប់ពេលវេលា គ្រប់ទីកន្លែង និងជោគជ័យគ្រប់ភារៈកិច្ច។ សូមអរគុណ!»។