អង់គ្លេស៖ បិសាចក្រហម Manchester United បានក្លាយជាទីផ្សារមួយក្នុងការលក់ចេញខ្សែបម្រើកណ្ដាលក្នុងរយៈពេលចុងក្រោយនេះ ប៉ុន្តែក្លិបយក្សអង់គ្លេសមួយនេះមិនទាន់ទិញខ្សែបម្រើមួយរូបណាចូលក្លិបវិញនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង Ander Herrera និង Marouane Fellani បានចាកចេញពីកីឡដ្ឋាន Old Trafford នៅទីផ្សារដោះដូរកីឡាករ ២លើកចុងក្រោយនេះ ខណៈ Nemanja Matic កំពុងតែមានបំណងចង់ចាកចេញ ស្របពេលដែល Paul Pogba កំពុងតែស្ថិតនៅក្នុងការអន្ទងចង់បានពីសំណាក់ក្លិប Real Madrid។
បើតាមប្រភពពីសារព័ត៌មានកីឡាល្បីឈ្មោះមួយរបស់អាល្លឺម៉ង់បានរាយការណ៍មកថា អ្នកចាត់ការទូទៅរបស់ Man UTD លោក Ole Gunnar Solskjaer បានចាប់អារម្មណ៍ចង់បានខ្សែបម្រើរបស់ Borussia Monchengladbach កីឡាករ Denis Zakaria។ ចំពោះតម្លៃខ្លួនរបស់ខ្សែបម្រើការពាររូបនេះវិញគឺត្រូវបានគេដឹងថាប្រមាណជា ៥០លានអឺរ៉ូ។
ប៉ុន្តែអ្វីដែលបង្កភាពលំបាកដល់ Man UTD ក្នុងការទិញយក Zakaria នោះគឺក្លិបធំៗចំនួន ៤ផ្សេងទៀតរួមមាន Bayern Munich, Borussia Dortmund, Inter Milan និង Tottenham Hotspur សុទ្ធសឹងតែចាប់អារម្មណ៍ចង់បានខ្សែបម្រើការពារកំពុងឡើងកូដ Denis Zakaria។
គួរបញ្ជាក់ឲ្យដឹងដែរថា ជម្រើសជាតិស្វីស Zakaria បានផ្លាស់ពី Young Boys មកចូលរួមជាមួយ Monchengladbach កាលពីឆ្នាំ២០១៧ ដោយគិតមកទល់បច្ចុប្បន្នគេចូលលេងឲ្យក្លិបអាល្លឺម៉ង់បាន ៦៨ប្រកួត និងរកគ្រាប់បាល់បានចំនួន ៧គ្រាប់៕
ប្រភព៖ FoxSportsAsia