ថៃ៖ តារាសម្តែងប្រុសវ័យ២៣ឆ្នាំ លោក Kao Jirayu ដែលអ្នកគាំទ្រភាគច្រើនស្គាល់លោកច្បាស់ ព្រោះតារាប្រុសរូបនេះចូលប្រឡូកនៅក្នុងវិស័យសិល្បៈ រយៈពេលជាង១៨ឆ្នាំមកហើយ ពោលគឺតាំងពីលោកនៅក្មេងមកម្ល៉េះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាឈរជើងនៅក្នុងវិស័យសិល្បៈរយៈពេលយូរក៏ពិតមែន ប៉ុន្តែអ្វីដែលគួរឲ្យកត់សម្គាល់នោះគឺ ប្រជាប្រិយភាពរបស់លោកនៅតែខ្លាំងក្លា និងមានការងារបន្តបន្ទាប់មិនដាច់។
ជាក់ស្តែង ថ្មីៗនេះក្រៅការសម្តែង Kao ទទួលបានតំណែងមួយទៀតគឺ ធ្វើជា Mentor នៅក្នុងកម្មវិធី The Face Men Thailand រដូវកាលទី៣ទៀតផង។ ប៉ុន្តែអ្វីដែលធ្វើឲ្យអ្នកគាំទ្រភ្ញាក់ផ្អើល ជាងការកាន់តំណែងថ្មីនោះគឺ តារាប្រុសវ័យក្មេងរូបនេះ បានប្តូរស្ទាយ៍លេងខ្លួនថ្មី ដែលមើលទៅរាងចំណាស់ និងមុខកាចជាងមុនបន្តិច ព្រោះតែលោកបានទុកពុកមាត់។
យ៉ាងណាមិញ អ្នកគាំទ្រធ្លាប់តែឃើញ Kao ជាមួយស្ទាយ៍លេងខ្លួនបែបយុវវ័យ សមទៅតាមអាយុរបស់លោក តែដល់ពេលដែលលោកប្តូវមកលេងខ្លួនបែបនេះវិញ មានអារម្មណ៍ថារាងប្លែកបន្តិច ប៉ុន្តែនៅតែសង្ហាដូចដើមដដែល៕
ចង់ជ្រាបច្បាស់ទស្សនារូបភាពខាងក្រោម៖