អ៊ីតាលី៖ យោងតាមរបាយការណ៍មួយនៅប្រទេសអ៊ីតាលីបានអោយដឹងថាលោក Massimiliano Allegri កំពុងខិតជិតក្នុងការទៅជំនួសដំណែងលោក Ole Gunnar Solskjaer ដែលជាអ្នកការចាត់ការទូទៅរបស់ក្លិប Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Solskjaer ដឹកនាំក្រុម Manchester United រដូវកាលថ្មីនេះមិនសូវបានល្អនោះទេដោយក្រុមរបស់លោកមានត្រឹមតែ៩ពិន្ទុប៉ុណ្ណោះក្នុងចំណោម៨ប្រកួតកន្លងទៅនេះដោយដេញពីក្រោយក្រុមលេខ១ Liverpool រហូតដល់ទៅ១៥ពិន្ទុឯណោះ។
ហើយបើយោងតាមគេហទំព័រ Tuttosport បានអោយដឹងថាក្លិប Manchester United បានខិតជិតក្នុងការចុះកិច្ចព្រមព្រៀងជាមួយនឹងអតីតគ្រូបង្វឹកក្រុមសេះបង្កង់ Juventus លោក Allegri ក្នុងតម្លៃ៦,៥លានផោន (ឬប្រហែល ៨,៣លានដុល្លារអាមេរិក) ក្នុង១ឆ្នាំ។
លោក Allegri ត្រូវបានគេរាយការណ៍ថាចង់នាំយកអតីតខ្សែបម្រើក្រុម Liverpool កីឡាករ Emre Can និងខ្សែប្រយុទ្ធសញ្ជាតិក្រូអាតកីឡាករ Mario Mandzukic មកជាមួយពេលដែលគាត់បានដឹកនាំក្រុម Manchester United។
ហើយបើយោងតាមរបាយការណ៍របស់ Sportsmail បានអោយដឹងថាលោក Allegri ក៏មានបំណងចង់នាំយកកីឡាករ Patrice Evra មកធ្វើជាជំនួយការរបស់គាត់ផងដែរពេលដែលគាត់ត្រូវបានតែងតាំងជាគ្រូបង្វឹករបស់ក្រុមបិសាចក្រហម Manchester United ខណៈពេលដែលលោក Evera បានបង្ហាញពីទឹកចិត្តដែលគាត់ចង់ត្រលប់ទៅ Old Tafford ដើម្បីជួយក្លិបមួយនេះអោយមានភាពល្អប្រសើឡើងវិញ។
គួររម្លឹកផងដែរថាលោក Allegri បានផ្ទេរពីក្លិប AC Milan មកដឹកនាំក្រុម Juventus កាលពីឆ្នាំ២០១៤ ដោយបានជួយអោយក្រុម Juventus ឈ្នះពានអ៊ីតាលី Serie A ចំនួន៥លើកជាប់ៗគ្នា ហើមថែមទាំងជួយអោយ Juventus បានឡើងទៅដល់វគ្គផ្ដាច់ព្រ័ត្រព្រឹត្តិការណ៍ Champions League ចំនួន២ដងផងដែរគឺនៅឆ្នាំ២០១៥ និង ២០១៧៕
ប្រភព៖ Dailymail