រាជធានីភ្នំពេញ ៖ គូស្នេហ៍មួយគូបានរងរបួសធ្ងន់ត្រូវបានប្រជាពលរដ្ឋជួយសង្គ្រោះទាញចេញពីរថយន្ដក្រឡាប់ និងបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈបើករថយន្តមួយគ្រឿងក្នុងល្បឿនលឿនដូចហោះទៅបុកក្បាលនាគពុះចែកទ្រូងផ្លូវនៅចំណុចស្តុបគីរីរម្យលាន់ស្នូរដូចរន្ទះក្រឡាប់ផ្ងារជើងច្រងាងកៀបអ្នកបើកបរ និងអ្នករួមដំណើរជាប់ក្នុងរថយន្ត ដែលហេតុការណ៍ភ្ញាក់ផ្អើលនេះដែរបានកើតឡើងកាលពីវេលាម៉ោង2និង20នាទីរំលងអធ្រាត្រឈានចូលថ្ងៃទី17 តុលា នៅតាមបណ្តោយផ្លូវព្រះសីហនុ ចំណុចស្តុបគីរីរម្យ ស្ថិតនៅក្នុងសង្កាត់វាលវង់ ខណ្ឌ7មករា ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរថយន្តបង្កម៉ាក Visto ពណ៌ទឹកប្រាក់ ពាក់ផ្លាកលេខ ភ្នំពេញ 2Y-8344 បើកបរ និងរួមដំណើរដោយបុរសស្ត្រី2នាក់ជាគូសង្សារនឹងគ្នារងរបួសធ្ងន់ ។
ប្រភពព័ត៌មានពីប្រជាពលរដ្ឋដែលឃើញហេតុការណ៍ផ្ទាល់បានប្រាប់ឱ្យដឹងថា មុនកើតហេតុគឺគាត់បានឃើញរថយន្តបង្កខាងលើធ្វើដំណើតាមបណ្តោយផ្លូវព្រះសីហនុក្នុងទិសដៅពីកើតទៅលិចក្នុងល្បឿនលឿនមែនទែន ខណៈមកដល់ស្តុបគីរីរម្យ ទ្រូងផ្លូវមានលក្ខណៈបញ្ឈិតគ្នាអ្នកបើកបរខ្វះការប្រុងប្រយ័ត្នផងនោះក៏ជ្រុលទៅបុកនឹងក្បាលនាគរបាំងថ្មពុះចែកទ្រូងផ្លូវពេញទំហឹងបណ្តាលខូចខាតចំនួន2កង់ ។
ចំណែករថយន្តខ្ទេចមួយកំណាត់ទាំងស្រុង និងក្រឡាប់ផ្ងារជើងច្រងាងម្ខាងទៅខាងស្តាំកៀបអ្នកបើកបរ និងអ្នករួមដំណើរជាប់ក្នុងរថយន្តបណ្តាលឱ្យនារីម្នាក់រងរបួសធ្ងន់បែកក្បាលហូរឈាមពេញផ្លូវសន្លប់ស្ដូកស្ដឹងនៅក្នុងរថយន្តត្រូវបានប្រជាពលរដ្ឋនៅកន្លែងកើតហេតុឃើញដូច្នោះក៏បាននាំគ្នាជួយសង្គ្រោះភ្លាមៗផងដែរដោយលើករថយន្ដផ្ងារមកវិញទាញជនរងគ្រោះចេញ និងទាក់ទងហៅរថយន្តសង្គ្រោះបន្ទាន់ទាន់គ្លីនិកឯកជនមកដឹកជនរងគ្រោះទៅសង្គ្រោះជីវិតភ្លាមៗនៅមន្ទីរពេទ្យផងដែរ ។
ក្រោយកើតហេតុរថយន្ដបង្កត្រូវសមត្ថកិច្ចជំនាញមូលដ្ឋានប្រគល់ទៅអោយខាងជំនាញចរាចរណ៍ក្រុងធ្វើការវាស់វែងយកទៅរក្សាទុកនៅការិយាល័យនរគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំដោះស្រាយគ្នានៅពេលក្រោយ ៕
ប្រភព៖ កោះសន្តិភាព