អាមេរិក៖ អ្នកប្រដាល់សញ្ជាតិអាមេរិកកីឡាករ Patrick Day បានទទួលមរណភាពក្នុងវ័យ២៧ឆ្នាំដោយសារតែត្រូវបានកីឡាករ Charles Conwell វាយអោយរបូសធ្ងន់ប៉ះទង្គិចខួរក្បាលធ្ងន់ធ្ងររហូតដល់ស្លាប់ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Patrick Day ត្រូវបានគេបញ្ជូនទៅមន្ទីរពេទ្យភ្លាមៗនៅថ្ងៃសៅរ៍សប្ដាហ៍មុននេះបន្ទាប់ពីរូបគេត្រូវបានកីឡាករ Charles Conwell វាយសន្លប់ស្ដូកស្ដឹងក្នុងទឹកទី១០។
គាត់ត្រូវបានធ្វើការសង្រ្គោះបឋមដោយក្រុមគ្រូពេទ្យនៅលើសង្វៀនដោយមើលឃើញថាសភាពរបស់គាត់កាន់តែធ្ងន់ធ្ងរខាងអ្នកជំនាញក៏បញ្ជូនគាត់ទៅកាន់មន្ទីរពេទ្យ Northwestern Memorial។
បន្ទាប់ពីធ្វើការវះកាត់ខួរក្បាលរួចមកស្ថានភាពរបួសរបស់គាត់មិនបានធូរស្រាលនោះទេផ្ទុយទៅវិញគាត់កាន់តែមានសភាពធ្ងន់ធ្ងរទៅៗដោយបាន២-៣ថ្ងៃក្រោយមកក្រុមគ្រូពេទ្យបានចេញមកបញ្ជាក់ថាកីឡាករ Patrick Day បានទទួលមរណភាពហើយនៅថ្ងៃពុធទី១៦ ខែតុលាម្សិលមិញនេះ។
គួរបញ្ជាក់ផងដែរថាកីឡាករ Patrick Day ជាកីឡាករប្រដាល់ទី៤ហើយដែលបានស្លាប់នៅឆ្នាំ២០១៩នេះ បន្ទាប់ពីការទទួលមរណភាពរបស់អ្នកប្រដាល់រុស្ស៊ីកីឡាករ Maxim Dadashev និង អ្នកប្រដាល់សញ្ជាតិអាហ្សង់ទីនកីឡាករ Hugo Alfredo Santillan ដែលអ្នកទាំងពីរបានស្លាប់កាលពីខែមករាកន្លងទៅនេះនិងអ្នកប្រដាល់សញ្ជាតិប៊ុលហ្ការី Boris Stanchov ដែលបានស្លាប់បន្ទាប់ពីធ្វើការប្រកួតនៅខែកញ្ញា៕
សូមទស្សនាវីដេអូខាងក្រោម៖
ប្រភព៖ Sky Sports