ស្នាមញញឹមក្លែងក្លាយ! តាមពិត Sulli បង្ហាញអាការៈប្លែកៗតាំងពី១ខែមុន តែគ្មានអ្នកណាអើពើសោះឡើយ

កូរ៉េខាងត្បូង៖ ក្រោយពី ដំណឹងមរណភាពរបស់ តារាកូរ៉េស្រីដ៏ល្បីSulli បានផ្សាយចេញកាលពីម្សិលមិញរួចមក ធ្វើឲ្យប្រជាជនកូរ៉េ ព្រមទាំងហ្វេនៗក្នុង និងក្រៅស្រុក សឹងតែមិនចង់ជឿនិងតក់ស្លុតយ៉ាងខ្លាំង។

គួរបញ្ជាក់ថា តារាស្រីរូបនេះ បានសម្រេចចិត្តចងក ធ្វើអត្តឃាតសម្លាប់ខ្លួនឯង នៅក្នុងអគារខុនដូរមួយកន្លែង ដែលនេះមិនមែនជាលើកទីមួយ ដែលនាងបានធ្វើរឿងបែបនេះទេ ប៉ុន្តែ កាលពីលើកមុន ត្រូវបានគេឃើញ និងជួយសង្គ្រោះទាន់។

យ៉ាងណាមិញ ការចាកចេញទៅ គ្មានថ្ងៃត្រឡប់របស់Sulli ហាក់ដូចជាឆាប់រហ័សពេក សឹងតែធ្វើឲ្យអ្នករាល់គ្នា ទទួលយកមិនបាន ព្រោះតារារូបនេះ តែងតែមានស្នាមញញឹម ដ៏ស្រស់ប្រិមប្រិយ និងបង្ហាញកាយវិការរស់រវើក គួរឲ្យស្រលាញ់ជានិច្ច។

ជាក់ស្ដែង យោងតាមប្រភពមួយ បានឲ្យដឹងថា មួយខែមុនពេលដែល Sulli ដាច់ចិត្តសម្លាប់ខ្លួនបែបនេះ នាងក៏ធ្លាប់បានបង្ហើបពី អាការៈប្លែកៗ ដោយមិនសូវលេង និងនិយាយច្រើន ដូចពេលមុនទេ។

លើសពីនេះ អតីតសមាជិកក្រុម F(x)រូបនេះ បានបកស្រាយ ក្នុងបទសម្ភាស៍មួយថា៖  

ដោយឡែក ក្នុងពេលនោះដែរ គ្មានអ្នកណាម្នាក់ ចង់យល់ និងចាប់ស្ដាប់រាល់បញ្ហាដែលSulli បានប្រាប់នោះទេ មានតែចាំអង្គុយរិះគន់ និងសើចចំអកឲ្យនាង រហូតដល់កត្តាទាំងនោះហើយ ទើបត្រូវបាត់បង់ សិល្បករមួយរូប ទៀតបែបនេះ៕

បន្ថែមពីនេះដែរ នេះមិនមែនជា លើកទីមួយដែល តារាK-Pop បានសម្រេចចិត្តសម្លាប់ខ្លួន ដោយសារតែ មតិរិះគន់នោះទេ បើគិតត្រឹម៣ឆ្នាំចុងក្រោយនេះ មាន៣រូប ហើយសុទ្ធសឹងតែមកពីមូលហេតុៗដូចគ្នាទាំងអស់៕