ខេត្តស្វាយរៀង ៖ មានបុរសស្ត្រីវ័យចំណាស់ដឹកដៃគ្នាចូលរោងការធ្វើឲ្យមានការភ្ញាក់ផ្អើលដល់ អ្នកស្រុកអ្នកភូមិក្នុងខេត្តស្វាយរៀងកាលពីថ្ងៃទី១៣ ខែតុលា ឆ្នាំ២០១៩ ខណៈដែលកូនកម្លោះវ័យ៤៨ឆ្នាំ បានសុំស្ត្រីជាកូនក្រមុំវ័យ៧២ឆ្នាំ រៀបការហើយបានដឹកដៃគ្នាចូលរោងការ និងបានអញ្ចើញភ្ញៀវមក ចូលរួមរាប់រយនាក់ធ្វើឲ្យមានការភ្ញាក់ផ្អើលដល់អ្នកស្រុកមកចូលរួមអបអរសារទរ។ បើទោះបីជាវ័យ ខុសគ្នា ជាងពាក់កណ្តាលអាយុយ៉ាងណាក៏ដោយ អ្នកទាំងពីរព្រមដឹកដៃគ្នាចូលរោងការដោយមាន ចាស់ក្មេងចូលរួមអបអរសាទរក្នុងពិធីការនេះជាង១០០នាក់អ្នកផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមកូនកម្លោះឈ្មោះ អ៊ុង វន្ថា អាយុ៤៨ឆ្នាំ មានទីលំនៅភូមិប្រាសាក់ ឃុំប្រាសាក់ ស្រុកស្វាយជ្រំ ខេត្តស្វាយរៀង បានប្រាប់ឲ្យដឹងថា៖ រូបគាត់ឃើញ និងស្គាល់ចិត្តគ្នាគឺផ្តើមឡើងដោយការអាណិត ពីព្រោះស្ត្រីជាភរិយា ជាស្ត្រីមេម៉ាយកូន២នាក់។ ស្ត្រីដែលគាត់ស្រឡាញ់អាណិតឈ្មោះ កើត ឡាត អាយុ៧២ឆ្នាំ រស់នៅភូមិទួលអង្គប់ ឃុំសំបួរ ស្រុកស្វាយទាប ខេត្តស្វាយរៀង គឺបានជួបគ្នាតាំងពីមុនបុណ្យភ្ជុំ។ ពោលគឺជាងមួយខែមកហើយរហូតមកដល់ថ្ងៃនេះបានសម្រេចចិត្ដឹកដៃគ្នាចូលរោងការតែម្តងដោយមិនគិតថាកូនក្រមុំក្រ ឬមានអ្វីនោះទេ ហើយបើមើលពីជីវភាពខាងស្រីក៏មិនមានទ្រព្យធនអ្វីនោះដែរ គឺស្រលាញ់ចិត្ត និងចិត្ត។
កូនកម្លោះខាងលើបានឲ្យដឹងទៀតថា៖ ដើមហេតុធ្វើពួកគាត់ស្គាល់គ្នានោះ ដោយសារតែកូនកម្លោះមកលេងនៅក្នុងភូមិទួលអង្គប់នេះ(ផ្ទះមិត្តភក្តិ) ហើយពេលទៅសួរសុខទុក្ខ សាច់ញាតិឆ្លងទន្លេនៅមន្ទីរពេទ្យក៏បានឃើញគ្នាចាប់ចិត្តគ្នារហូតដល់ខាងប្រុសសាររភាពសុំស្នេហ៍ពីកូនក្រមុំរហូតដល់កូនក្រមុំទន់ចិត្ត និងព្រមព្រៀងគ្នាមានចាស់ទុំទាំងសងខាង ដោយចូលស្តីដណ្តឹង និងរើសយកថ្ងៃល្អចូលរោងការតែម្តង។
កូនកម្លោះបានប្រាប់ទៀតថា៖ កាលដែលពួកគាត់ព្រមស្រលាញ់ គ្នានោះ ក៏មានកូនៗជំទាស់ដែរ ប៉ុន្តែមិនអាចបំបែកស្នេហាគាត់ទាំងពីរបានឡើយ ព្រោះពួកគាត់យល់ចិត្តគ្នា ទៅហើយក្រោយមកមានចាស់ទុំសម្របសម្រួលទើបកូនៗទាំងសងខាងយល់ព្រម។ កូនកម្លោះបានបញ្ជាក់ថា៖ រូបគាត់ព្រមស្រលាញ់គ្នាជាមួយកូនក្រមុំដោយសារក្តីស្រឡាញ់ និងអាណិតមិនគិតចាស់ក្មេងមានក្រនោះឡើយ សំខាន់ចេះស្រឡាញ់មើលថែគ្នារហូតដល់ចាស់កោងខ្នងរៀងៗខ្លួន៕
ប្រភព៖ កោះសន្តិភាព