តារាស្រីវ័យក្មេងម្នាក់នេះ សារភាពត្រង់ៗថា ចង់ជោគជ័យក្នុងវិស័យនេះដូច IU និង Taeyeon ដែរ

កូរ៉េខាងត្បូង ៖ ថ្មីៗនេះ តារាស្រីវ័យក្មេងមានឈ្មោះថា Kei សមាជិកក្រុម Lovelyz ទើបតែបានរៀបចំកម្មវិធីប្រគំតន្ត្រីទោលលើកដំបូង ដោយប្រើឈ្មោះពិតរបស់នាងគឺ Kim Jiyeon ។

បន្ទាប់ពីការប្រគុំតន្រ្តីបានបញ្ចប់ទៅដោយជោគជ័យ Jiyeon បានសារភាពដោយបើកចំហ នៅក្នុងបទសម្ភាសន៍មួយថា នាងតែមានក្ដីសង្ឃឹមថា អាជីពជាតារាចម្រៀងទោលរបស់នាង និងទទួលបានភាពជោគជ័យនៅថ្ងៃណាមួយ។

Jiyeon សារភាពថា នាងចង់ក្លាយជាសិល្បករម្នាក់ ដែលមានសម្លេងប្លែកពីគេ ដូច្នេះហើយនៅពេលដែលលឺសម្លេងនាង គេនឹងដឹងថា នោះជាសម្លេងរបស់ Jiyeon។ វាហាក់ដូចជា ការដែលបានក្លាយជា IU ទី២ ឬក៏ Taeyeon ទី២ យ៉ាងដូច្នោះដែរ។

តារាស្រីរូបនេះមានក្ដីសង្ឃឹមយ៉ាងខ្លាំងថា មនុស្សជាច្រើននឹងស្តាប់បទចម្រៀងរបស់នាង នៅពេលដែលពួកគេមានអារម្មណ៍ថាអស់កម្លាំង ហើយនាងនឹងព្យាយាមឲ្យកាន់តែខ្លាំងជាងមុន ដើម្បីបម្រើអារម្មណ៍ហ្វេនៗ៕

ទស្សនារូបភាពខាងក្រោម ៖