ភ្នំពេញ៖ គ្រូបង្វឹកក្រុមបាល់ទាត់ជម្រើសជាតិអ៊ីរ៉ាក់លោក Srečko Katanec ថាក្រុមរបស់លោកនឹងព្យាយាមលេងឲ្យអស់ពីសមត្ថភាពមិនមែន ១០០%នោះទេ គឺរហូតដល់ ១២០% ឯណោះសម្រាប់ការប្រកួតជាមួយកម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្លែងនៅក្នុងសន្និសីទកាសែតមុនការប្រកួត គ្រូបង្វឹកសញ្ជាតិស្លូវ៉ានីរូបនេះ បានឲ្យដឹងថាមិនអាចមើលស្រាលក្រុមកម្ពុជាបាននោះទេ ព្រោះក្នុងបាល់ទាត់មិនមាននរណាអាចទាយដឹងមុនបាន ដូច្នេះលោកនឹងប្រាប់កូនក្រុមរបស់លោកឲ្យព្យាយាមលេង ដើម្បីទទួលបាន ៣ពិន្ទុពីការប្រកួតក្រៅដីមួយនេះ។
គួរបញ្ជាក់ផងដែរថា កម្ពុជា នឹងបើកទ្វារពហុកីឡដ្ឋានជាតិស្វាគមន៍ក្រុមភ្ញៀវអ៊ីរ៉ាក់ ក្នុងការប្រកួតវគ្គជម្រុះជុំទីពីរព្រឹត្តិការណ៍ FIFA World Cup Qatar 2022 ដែលការប្រកួតនឹងធ្វើឡើងនៅថ្ងៃស្អែក ទី១៥ ខែតុលា ឆ្នាំ២០១៩ ចាប់ពីម៉ោង ៦:៣០នាទីតទៅ៕