អេស្ប៉ាញ៖ ក្លិបអ្នកមានបុណ្យ FC Barcelona ត្រូវបានគេរាយការណ៍ថាបានដាក់បញ្ចូលខ្សែប្រយុទ្ធរបស់ក្រុមហង្សក្រហម Liverpool កីឡាករ Roberto Firmino ក្នុងបញ្ជីកីឡាករដែល Barcelona ចង់បានដើម្បីមកជំនួសដំណែងកីឡាករ Luis Suarez។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជាមានវ័យរាងជ្រេរបន្តិចមែនប៉ុន្តែ Suarez នៅតែបង្ហាញទម្រង់លេងបានល្អសម្រាប់ក្រុម Barcelona ដោយក្នុងរដូវកាលថ្មីនេះរូបគេស៊ុតបញ្ចូលទីបាន៦គ្រាប់ក្នុងចំណោម៨ប្រកួតកន្លងមក ប៉ុន្តែក្លិបនៅតែសម្លឹងរកមើលខ្សែប្រយុទ្ធវ័យក្មេង១រូបដើម្បីមកជំនួសកីឡាករវ័យ៣២ឆ្នាំរូបនេះដោយសារតែក្លិបមានការបារម្ភពីវ័យរបស់រូបគេ។
ក្លិបយក្សនៅអេស្ប៉ាញមួយនេះបានចំណាយលុយច្រើនក្នុងរយៈពេល២ឆ្នាំចុងក្រោយនេះដោយពួកគេបានចំណាយលុយ១០៨លានផោន (ឬប្រហែល ១៣៦លានដុល្លារអាមេរិក) ទិញ Coutinho ពី Liverpool និងទិញកីឡាករ Ousmae Dembele ក្នុងតម្លៃ១១២លានផោន (ឬប្រហែល ១៤១លានដុល្លារអាមេរិក) ពី Dortmund ជាមួយនឹងពេលថ្មីៗនេះពួកគេក៏ទើបតែទិញបានកីឡាករ Antoine Griezmann ពី Atletico Madrid ក្នុងតម្លៃ១០០លានផោន (ឬប្រហែល ១២៦លានដុល្លារអាមេរិក) ផងដែរ។
ដោយយោងតាមកាសែត Mundo Deportivo បានអោយដឹងថាកីឡាករ Roberto Firmino ជាកីឡាករ១រូបដែលស្ថិតក្នុងបញ្ជីខ្សែប្រយុទ្ធដែល Barcelona ចង់បានក្នុងចំណោមខ្សែប្រយុទ្ធជាច្រើនទៀតរួមមានកីឡាករ Harry Kane, Marcus Rashford និង Kylian Mbappe ដែលអាចតម្រូវអោយ Barcelona ត្រៀមចាយលុយធំម្ដងទៀតក្នុងទីផ្សារដោះដូរកីឡាករខាងមុខនេះប្រសិនជាចង់បានកីឡាករណាមួយក្នុងចំណោមកីឡាករខាងលើនេះ៕
ប្រភព៖ Express