សិង្ហបុរី៖ ខ្សែប្រយុទ្ធ Neymar ត្រូវបានផ្លាស់ប្ដូរចេញភ្លាមៗនិងជំនួសវិញដោយ Philippe Coutinho នៅនាទី១២ ដោយសារតែបញ្ហារបួសក្នុងការប្រកួតមិត្តភាពរវាងប្រេស៊ីល និងនីហ្សេរីយ៉ា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធរបស់ Paris Saint-Germain រូបនេះទំនងជាអាចនឹងមានបញ្ហារបួសសាច់ដុំភ្លៅខាងឆ្វេង។ ខណៈរយៈពេលដែលនឹងត្រូវសម្រាកព្យាបាលមិនទាន់បញ្ជាក់ច្បាស់នៅឡើយ ដោយរង់ចាំការពិនិត្យរបស់ក្រុមគ្រូពេទ្យជម្រើសជាតិប្រេស៊ីល និងត្រឡប់ទៅពិនិត្យនៅបារាំងម្ដងទៀត។
យ៉ាងណា Neymar អាចនឹងខកខានក្នុងការបង្ហាញខ្លួនឲ្យ PSG ២ប្រកួតគឺមួយប្រកួតក្នុងពានរង្វាន់ Ligue1 ជាមួយ Nice និងមួយប្រកួតទៀតក្នុងពានរង្វាន់ Champions League ជាមួយ Club Brugge នៅថ្ងៃទី២២ ខែតុលានេះ។
ឲ្យដឹងដែរថា ប្រេស៊ីល បានប្រកួតមិត្តភាពស្មើគ្នា ១ទល់នឹង១ ជាមួយនឹងក្រុមមកពីអាហ្រ្វិកនីហ្សេរីយ៉ា នៅប្រទេសសិង្ហបុរី ក្នុងពហុកីឡដ្ឋានជាតិរបស់សិង្ហបុរីកាលពីម្សិលមិញ៕
ប្រភព៖ Marca