រុស្ស៊ី៖ ថ្មីៗកន្លងទៅនេះ បុរសជាអ្នកដំណើរម្នាក់ បានបង្កភាពរញ៉េរញ៉ៃក្នុងព្រលានយន្ដ ក្រោយពីខកខានការហោះហើរ។ ហេតុការណ៍នេះបានកើតឡើងនៅព្រលានយន្ដហោះ Sheremetyevo ក្នុងទីក្រុង Moscow ប្រទេសរុស្ស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា នៅក្នុងថ្ងៃកើតហេតុ បុរសរូបនោះ (មិនបញ្ចេញអត្តសញ្ញាណ) បានអង្គុយផឹកស្រាក្នុងហាងមួយកន្លែងដែលនៅក្បែរព្រលានយន្ដហោះ ជាហេតុបណ្ដាលឲ្យភ្លេចខ្លួន ខកខានការហោះហើរ។
យោងតាមវីដេអូបានបង្ហាញឲ្យឃើញថា បុរសនោះ ក្រោយពីដឹងថាជើងហោះហើរចេញចោលរួចមក គាត់បានព្យាយាមបើកទ្វារច្រកចេញដំណើរជាច្រើនដង ប៉ុន្ដែមិនបានសម្រេច។ គាត់ក៏ដើរទៅទាត់ផ្លាកសញ្ញា បណ្ដាលឲ្យខ្លួនគាត់ផ្ទាល់ដួលទៅលើឥដ្ឋ។ បន្ទាប់មក គាត់ស្ទុះទៅកាច់បំបាក់កុំព្យូទ័រ និងបោកក្ដារចុចដែលនៅជិតនោះទៀតផង។ ឃើញដូច្នេះ សន្ដិសុខក៏បានមកដល់ដើម្បីបញ្ឈប់សកម្មភាព ដោយចាប់ក្រវួចបុរសនោះផ្ដួលទៅលើឥដ្ឋ។
ប្រភពបានបន្ថែមថា បុរសនោះមានជាតិស្រវឹងក្នុងខ្លួនខ្ពស់ ទើបបណ្ដាលឲ្យគាត់មិនអាចគ្រប់គ្រងកំហឹងរបស់ខ្លួនបែបនេះបាន។
យ៉ាងណាមិញ ក្រោយពីកើតហេតុខាងលើនេះរួចមក បុរសនោះត្រូវបានចាប់ឃាត់ខ្លួនពីបទបង្កភាពចលាចលផងដែរ៕
សូមទស្សនារូបភាពនិងវីដេអូខាងក្រោម៖