តារាម៉ូដែលម្នាក់ យំដល់ថ្នាក់ដួលសន្លប់នៅក្នុងកម្មវិធី ក្រោយពីត្រូវបានគេកាត់សក់អស់ប្រវែង៣០សង់ទីម៉ែត្រ (មានវីដេអូ)

តួកគី៖ ថ្មីៗនេះ កម្មវីធីមួយដែលបង្ហាញពីការតុបតែងខ្លួនរបស់សុភាពនារី កំពុងទទួលបានការចាប់អារម្មណ៍យ៉ាងខ្លាំង ក្រោយពីតារាម៉ូដែលម្នាក់ ដែលបានចូលរួមដួលសន្លប់ ព្រោះតែត្រូវបានគេកាត់សក់នាងអស់ប្រវែង៣០សង់ទីម៉ែត្រ។

ប្រភពបានឲ្យដឹងថា កម្មវិធីនោះមានឈ្មោះថា Kuaförüm Sensin (អ្នកគឺជាជាងកាត់សក់របស់ខ្ញុំ) គឺជាកម្មវិធីប្រកួតប្រជែងចំពោះអ្នកជំនាញផាត់មុខនិងធ្វើសក់ ដើម្បីឈ្នះរង្វាន់ធំពីកម្មវិធី។

នៅក្នុងសប្ដាហ៍ថ្មីនោះ អ្នកជំនាញធ្វើសក់ម្នាក់ បានកាត់សក់របស់តារាម៉ូដែលឈ្មោះថា Llayda ដើម្បីទុកបរិច្ចាគទៅកាន់អ្នកផ្ទុកជំងឺមហារីកដែលជ្រុះសក់អស់។ បុរសដែលជាអ្នកជំនាញធ្វើសក់ មិនបានប្រាប់ពីប្រវែងសក់ដែលគាត់បម្រុងនឹងកាត់នោះទេ ជាហេតុធ្វើឲ្យនាង Llayda ស្លុតចិត្តយ៉ាងខ្លាំងក្រោយពីឃើញសភាពប្រវែងសក់របស់ខ្លួន។

យោងតាមវីដេអូបង្ហាញឲ្យឃើញថា អ្នកជំនាញធ្វើសក់បានកាត់សក់របស់នាង Llayda ប្រវែង៣០សង់ទីម៉ែត្រចេញ។ ភ្លាមៗនោះ នាង Llayda ស្លុតចិត្តដល់ថ្នាក់ទប់ទឹកភ្នែកមិនជាប់ ធ្វើឲ្យគណកម្មការនិងអ្នកផ្សេងទៀតឆ្ងល់ទៅនឹងប្រតិកម្មរបស់នាង។ ក្រោយមក នាង Llayda ដោះក្រណាត់គ្របខ្លួនចេញ រួចក៏ដើរចេញ ស្រាប់តែដួលសន្លប់បាត់ទៅ។

ប្រភពបានបន្ដថា មុនចូលរួមកម្មវិធី នាង Llayda ដឹងច្បាស់ណាស់ថាសក់របស់នាងដែលកាត់រួចនឹងត្រូវបរិច្ចាគទៅកាន់អ្នកជំងឺមហារីក ប៉ុន្ដែនាងមិននឹកស្មានថាកាត់ប្រវែងវែងដល់ម្លុឹងនោះទេ។

សម្រាប់វីដេអូនេះ ត្រូវបានបង្ហោះនៅលើបណ្ដាញសង្គម Twitter ដែលមានអ្នកចូលទស្សនាចំនួន១២លានដងផងដែរ។

ទន្ទឹមនឹងនេះដែរ ក៏មានអ្នកប្រើប្រាស់បណ្ដាញសង្គមមួយចំនួនបានបញ្ចេញមតិថា៖

តើប្រិយមិត្តអ្នកអានយល់ឃើញយ៉ាងណាដែរ?

សូមទស្សនារូបភាពនិងវីដេអូខាងក្រោម៖