កូរ៉េខាងត្បូង៖ កាលពីពេលថ្មីៗនេះក្នុង កម្មវិធីQueendom របស់Mnet ពេលនោះPark Bom បានសួរទៅកាន់Hyojung សមាជិកក្រុមOh My Girl ថាតើនាងធ្លាប់មានពេលដែល ពិបាកតែម្នាក់ឯងគ្មានអ្នកដឹង ហើយធ្លាប់មានអារម្មណ៍ថា គ្មាននរណាម្នាក់អាចជួយនាងបាន បើទោះបីជានាងត្រូវការដែរឬទេ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងពេលនោះHyojung បានឆ្លើយតប ដោយបាននិយាយថា នាងពិតជាព្យាយាមបំភ្លេចនៅ ការចងចាំអាក្រក់ទាំងនោះខ្លាំងណាស់។ នាងក៏បានបន្តទៀតផងដែរថា ទោះប្បីនៅពេលដែល កាលពីពេល ដែលនាងនៅពីក្មេង នាងបានព្យាយាមធ្វើការបកប្រែអ្វីៗ ដែលបានកើតឡើង ទៅជារឿងដែលល្អៗសម្រាប់នាង បើទោះបីជាវាមិនល្អក៏ដោយ ហើយប្រើការស្រមើស្រមៃ ត្រឡប់ទៅជាការចងចាំនៅរឿងល្អៗវិញ។ នាងក៏បាននិយាយទាំង ទឹកភ្នែកចេញមក នៅចំពោះមុខPark Bom។
ជាក់ស្តែង ក្នុងពេលដែល កំពុងតែផ្តល់បទសម្ភាសន៍ ជាមួយក្រុមផលិតករនោះ Hyojung បាននិយាយបន្ថែមទៀតថា៖
"ខ្ញុំតែងតែមានអារម្មណ៍ថា គឺខ្ញុំមានតែខ្លួនឯងម្នាក់។ ខ្ញុំតែងតែចង់ឲ្យ មនុស្សគ្រប់គ្នាចូលចិត្តខ្ញុំ តាំងពីខ្ញុំនៅជាកូនក្មេងមកម្ល៉េះ ហើយបើសិនជា ពួកគេមិនចូលចិត្តខ្ញុំទេនោះ ខ្ញុំនឹងស្តីបន្ទោសខ្លួនឯង ជាមិនខាននោះទេ។ ខ្ញុំតែងតែគិតថា ខ្ញុំឯកាខ្លាំងណាស់ ពីព្រោះខ្ញុំត្រូវតែស្រលាញ់ខ្លួនឯង បើទោះបីជាខ្ញុំមិនចង់ក៏ដោយ"។
ក្នុងពេលជាមួយគ្នានោះPark Bom ដែលអង្គុយក្បែរនោះក៏បាន បង្ហាញពីការយកចិត្តទុកដាក់ នឹងសម្តែងពីអារម្មណ៍ យល់យ៉ាងច្បាស់នៃភាពឯកា ដែលHyojung ធ្លាប់បានជួបប្រទះ ជាមួយនឹងទឹកភ្នែក រួមទាំងការបង្ហាញ នៅភាពកក់ក្តៅទៅឲ្យគ្នាទៅវិញទៅមកផងដែរ៕
Bong I.T