រុស្ស៊ី៖ ថ្មីៗកន្លងទៅនេះ បុរសជនជាតិរុស្ស៊ីម្នាក់ត្រូវបានធ្លាក់ស្លាប់ភ្លាមៗ ក្រោយលោតពីលើឧទ្ធម្ភាគចក្រកម្ពស់៨០០ម៉ែត្រ ព្រោះតែខុសបច្ចេកទេសឆ័ត្រយោងចុចមិនចេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា បុរសរូបនោះមានឈ្មោះថា Mikhail Prokhorov អាយុ៣៥ឆ្នាំ គឺជាសមាជិកនៃក្រុមជួយសង្គ្រោះលោតឆ័ត្រយោង។ សម្រាប់ការលោតឆ័ត្រយោងពីលើអាកាសគឺគាត់បានទទួលជោគជ័យចំនួន៣៤ដងមកហើយ។
យោងតាមវីដេអូដែលត្រូវបានគេថតនិងយកទៅបង្ហោះនៅលើបណ្ដាញអ៊ិនធើណែត បង្ហាញឲ្យឃើញថា លោក Mikhail បានត្រៀមលោតឆ័ត្រយោងលើកទី៣៥របស់គាត់ នៅលើឧទ្ធម្ភាគចក្រកម្ពស់ ២,៦២៥ហ្វីត (៨០៣ម៉ែត្រ)។ លុះពេលដែលគាត់បានលោតចុះ ស្រាប់តែឆ័ត្រយោងមិនដំណើរការ។ គាត់ក៏បានព្យាយាមចុចឆ័ត្រយោងបម្រុងមួយទៀត ប៉ុន្ដែវាជាប់គាំងដូចគ្នា បណ្ដាលឲ្យគាត់ធ្លាក់បោកទៅលើដីស្លាប់ភ្លាមៗ។
ក្រោយពីកើតហេតុរួចមក សាកសពរបស់លោក Mikhail ត្រូវបានបញ្ជូនទៅកាន់មន្ទីរពេទ្យដើម្បីធ្វើកោសល្យវិច័យ។ ហើយជុំវិញករណីការស្លាប់នេះ ខាងប៉ូលិសនឹងធ្វើការស៊ើបអង្កេតបន្ដ ដើម្បីបញ្ជាក់ថាលោក Mikhail តែងតែហ្វឹកហាត់ជាប្រចាំឬយ៉ាងណា៕
សូមទស្សនារូបភាពនិងវីដេអូខាងក្រោម៖