អេស្ប៉ាញ៖ អ្នកចាត់ការទូទៅរបស់ក្លិប Real Madrid លោក Zinedine Zidane ត្រូវបានគេរាយការណ៍ថា ជម្រើសទី១របស់លោកក្នុងទីផ្សារដោះដូរកីឡាករខាងមុខ គឺកីឡាករ Paul Pogba របស់ក្រុម Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Paul Pogba និង កីឡាករ Christian Eriksen សុទ្ធតែមិនទាន់បានចុះកុងត្រាថ្មីជាមួយនឹងក្លិបរបស់ពួកគេរៀងៗខ្លួនស្របពេលដែលក្លិប Real Madrid កំពុងមានទំនាក់ទំនងយ៉ាងខ្លាំងជាមួយនឹងកីឡាករ២រូបនេះ។
យោងតាមសារព័ត៌មាន ESPN បានអោយដឹងថា ប្រធានក្លិប Real Madrid លោក Florentino Perez កំពុងសម្លឹកឃើញខ្សែបម្រើប្រយុទ្ធរបស់ក្លិប Tottenham Hotspur កីឡាករ Christian Eriksen ប៉ុន្តែលោក Zidane ចង់អោយលោក Perez ផ្ដោតអារម្មណ៍ទៅលើការផ្ទេរយកកីឡាករ Paul Pogba ពី Manchester United។
កីឡាករ Eriksen ត្រូវបានគេជឿជាក់ថា បានសម្រេចចិត្តទៅលើអនាគតរបស់ខ្លួនរួចរាល់ហើយជាមួយក្រុមរបស់លោក Mauricio Pochettino ដោយរូបគេនឹងចាកចេញពីក្លិបនៅខែមករាខាងមុខនេះ។
ទន្ទឹមនឹងនេះ កីឡាករ Pogba ត្រូវបានគេរាយការណ៍ថា បានជូនដំណឹងដល់ក្លិប Manchester United ថា រូបគេនឹងមិនបន្តកុងត្រាថ្មីជាមួយនឹងក្លិបនោះទេ ខណៈពេលដែលរូបគេមានចចាមរ៉ាមជាច្រើនថាអាចនឹងផ្ទេរទៅ Real Madrid និង Juventus នៅអំឡុងពេលទីផ្សារដោះដូរកីឡាករខាងមុខនេះ។
គួរបញ្ជាក់ផងដែរថា ក្លិប Real Madrid បច្ចុប្បន្នធ្វើបានយ៉ាងល្អនៅក្នុងលីគ ដោយពូកគេឈរនៅចំណាត់ថ្នាក់លេខ១ក្នុងលីគកំពូលអេស្ប៉ាញ La Liga មាន១៨ពិន្ទុក្នុងចំណោម៨ប្រកួត៕
ប្រភព៖ Sportsmole