កូរ៉េខាងត្បូង ៖ ម្ដងនេះកាន់តែធ្វើឲ្យក្រុមអ្នកគាំទ្ររំភើបចិត្ត កាន់តែខ្លាំងឡើងបន្ទាប់ពីបានឃើញ វីដេអូថ្មីរបស់ V សមាជិកក្រុម BTS នៅខណៈពេលដែលលោកឈប់សម្រាក វិស្សមកាលរបស់ក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវីដេអូបានបង្ហាញពីសកម្មភាពខ្លះៗរបស់ V ជាមួយនឹងមិត្តៗដែលជាសិល្បករ។ ប៉ុន្តែមានឈុតមួយដែលលោកបានថត នៅខណៈពេលដែលលោកកំពុងតែគេងលេងជាមួយ កូនឆ្កែជាទីស្រលាញ់ អ្នកគាំទ្របានប្រទះឃើញ តុក្កតាដ៏ចំណាស់មួយ ដែលពួកគេស្គាល់យ៉ាងច្បាស់ថាជាអំណោយពីហ្វេន តាំងពីកំឡុងឆ្នាំ២០១៥។
ហ្វេនៗមិនស្មានថា V បានរក្សាវាទុកដល់សព្វថ្ងៃឡើយ ព្រោះតែលោកទទួលបានអំណោយជាច្រើនហូហែ ក្នុងរយៈពេលប៉ុន្មានឆ្នាំកន្លងមកនេះ។ ប៉ុន្តែ V បានរក្សាវាទុកនៅក្នុងបន្ទប់គេងរបស់លោក។
ទង្វើនេះបានបង្ហាញថា V តែងតែចងចាំ និងរក្សាទុករាល់ក្ដីស្រលាញ់ និងអំណោយដំបូងៗពីហ្វេន ដែលលោកធ្លាប់ទទួលបាន តាំងពីមិនទាន់មានកេរ្តិ៍ល្បីល្បាញដូចសព្វថ្ងៃ។ ហើយនេះជាអ្វីដែលធ្វើឲ្យអ្នកគាំទ្រទូទាំងពិភពលោក រំភើបរីករាយបំផុត។
គួរបញ្ជាក់ផងដែរថា កាលពីកំឡុងពេលបង្ហាញខ្លួនដំបូងៗ BTS មិនត្រូវបានមនុស្សជាច្រើនចាប់អារម្មណ៍ និងស្គាល់នោះទេ។ ផ្ទុយទៅវិញ ពួកគេត្រូវបានមនុស្សជាច្រើនមើលរំលង ព្រោះតែពួកគេជាតារានៅក្នុងផលិតកម្មតូច ថែមទាំងផលិតកម្ម ធ្លាប់មានរឿងអាស្រូវតារាកាលពីមុនទៀតផង។
ប៉ុន្តែចំនួនអ្នកគាំទ្រដ៏តិចតួចដែលពួកគេមាន បានផ្ដល់ឲ្យពួកគេនូវកម្លាំងចិត្ត និងសេចក្ដីស្រលាញ់យ៉ាងច្រើន ដែលធ្វើឲ្យពួកគេមិនអាចបំភ្លេចបាន។
ហើយនេះជាវិធីដែល V សមាជិកក្រុម BTS បានបង្ហាញក្ដីស្រលាញ់តបទៅកាន់ហ្វេនៗរបស់លោកវិញ៕
ទស្សនារូបភាពខាងក្រោម ៖