ភ្នំពេញ៖ ដូចប្រិយមិត្តជាច្រើនបានជ្រាបហើយថា កាលពីពេលថ្មីនេះ មានការផ្ទុះការសរសើរយ៉ាងខ្លាំងពីបណ្តាអ្នកលេងបណ្តាញសង្គមហ្វេសប៊ុក ក្រោយអតីតតារាចម្រៀងស្រី ម៉ូលីកា ត្រូវក្មេងម្នាក់បុកឡានដែលទើបតែនឹងទិញជាង១៥ម៉ឺនដុល្លារ ក៏ប៉ុន្តែនាងបែរជាមិនទារសំណង ឬក៏ប្រកាន់អ្វីនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបណ្តាអ្នកលេងហ្វេសប៊ុកជាច្រើនពិតជាពេញចិត្តទឹកចិត្តដ៏ប្រពៃរបស់នាងគ្រប់គ្នា មិនត្រឹមតែប៉ុណ្ណោះក៏មានការចង់ដឹងទៅលើការ ចំណាយលើការជួសជុលឡានថ្មីរបស់នាង ដែលថ្លៃចំណាយមិនចេញតិចនោះទេ។
ជាមួយគ្នានេះដែរ តារាស្រីរូបនេះក៏បានធ្វើការបង្ហើបប្រាប់នៅលើបណ្តាញសង្គម ទៅលើការចំណាយនៅក្នុងការជួសជុលឡាន ដែលបុកនោះសរុបអស់ជាង៧ពាន់ដុល្លារ ខណៈពេលដែលត្រូវចំណាយពេលយូរក្នុងការជួសជុល។
តែទោះជាយ៉ាងណាក្តី តារាស្រីរូបនេះនៅតែមិនប្រកាន់ទោសពៃដល់ក្មេងប្រុសដែលបើកបរមិនប្រុងប្រយ័ត្ន នាងមានតែសប្បាយចិត្តនៅពេលដែលខ្លួនធ្វើអំពើល្អបែបនេះ។ មិនត្រឹមតែប៉ុណ្ណោះអ្នកគាំទ្រជាច្រើនបាននាំគ្នាសរសើរ ដល់នាងគ្រប់គ្នាតែម្តង ចំពោះទង្វើដ៏កម្ររកបាននេះផងដែរ៕
សូមទស្សនារូបភាពខាងក្រោមនេះ៖