អាមេរិក៖ ក្មេងស្រីវ័យ២ឆ្នាំម្នាក់ ធ្វើឲ្យម្ដាយនិយាយមិនចង់ចេញ ក្រោយពីគេបានចុចកុម៉្មងអីវ៉ាន់តាមអនឡាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា ស្ត្រីឈ្មោះ Isabella រស់នៅក្នុងទីក្រុង San Diego សហរដ្ឋអាមេរិក បានរកមើលសាឡុងថ្មីតាមរយៈកម្មវិធីហាងអនឡាញនៅលើទូរស័ព្ទ។ ស្រាប់តែពេលនោះ កូនស្រីតូចរបស់នាងបានសុំទូរស័ព្ទដើម្បីយកទៅមើលវីដេអូ។ នាងក៏បានហុចទូរស័ព្ទទៅឲ្យកូនស្រីតូច ដោយមិនចាប់អារម្មណ៍អ្វីទាំងអស់។
លុះបីថ្ងៃក្រោយមក ស្ត្រីជាម្ដាយបានទទួលអ៊ីម៉េលពីខាងហាងអនឡាញ បានឲ្យដឹងថា សាឡុងដែលកុម៉្មងក្នុងតម្លៃ ៤៣០ដុល្លារអាមេរិកកំពុងធ្វើការដឹកជញ្ជូន។ ភ្លាមៗនោះ នាងមានការភ្ញាក់ផ្អើលយ៉ាងខ្លាំង ដោយនិយាយម្នាក់ឯងថា៖
ក្រោយមកនាង Isabella ក៏សង្ស័យថាខ្លួននាងផ្ទាល់ប្រហែលជាកុម៉្មង់មុនពេលចូលដំណេក ឬកូនស្រីតូចរបស់នាងបានកុម៉្មងនៅពេលដែលនាងឲ្យទូរស័ព្ទទៅលេង ដោយមិនបានបិទកម្មវិធីហាងអនឡាញ។
ប្រភពបានបន្ដថា នាង Isabella បានព្យាយាមចុចលុបចោលនៃការកុម៉្មង់ ប៉ុន្ដែវាយឺតពេលទៅហើយ។ ចំណែកសាឡុងនោះបានដឹកជញ្ជូនមកដល់មុខផ្ទះផងដែរ។ ដោយមិនត្រូវការ នាងបានដាក់លក់សាឡុងនោះភ្លាមៗ ក្នុងតម្លៃ៣៩៩ដុល្លារអាមេរិក ទៅលើវេបសាយមួយដោយរៀបរ៉ាប់ពីកំហុសរបស់កូនស្រីដែលបានកុម្ម៉ង់។
ក្រោយពីឃើញបញ្ហានេះរួចមក ហាងទំនិញអនឡាញនោះបានផ្ញើប្រាក់ទៅឲ្យនាង Isabella វិញទាំងអស់ ថែមទាំងឲ្យនាងទុកសាឡុងនោះឬចង់បរិច្ចាគទៅឲ្យនរណាក៏បានទៀតផង។
ជុំវិញរឿងរ៉ាវខាងលើនេះ នាង Isabella ក៏បានដាស់តឿនឪពុកម្ដាយគ្រប់រូបទាំងអស់ គួរតែបិទកម្មវីធីហាងអនឡាញនៅលើទូរសព្ទ មុនប្រគល់ទៅឲ្យកូនៗផងដែរ៕