ឃើញតែពេលផាត់មុខ ចុះពេលមិនតុបតែងវិញ តើសម្រស់ម៉ារីម៉ា​បែបណាទៅ?

ហ្វីលីពីន៖ បើគិតទៅ អ្នកនាង Marian Rivera ហៅក្រៅថា ម៉ារីម៉ា បានប្រឡូកក្នុងវិស័យសិល្បៈ មានអាជីពជាតារាសម្ដែង យូរឆ្នាំមកហើយ តែប្រជាប្រិយភាពនៅតែមាន សម្រាប់ទស្សនិកជនរាល់គ្នាដដែល។

ជាមួយគ្នានេះដែរ ទោះជាតារាស្រី រាជនីសម្រស់ ប្រចាំប្រទេសហ្វីលីពីនរូបនេះ មានប្ដី និងកូនរួចមកហើយមែន តែរូបគេបានធ្វើឲ្យហ្វេនៗរាល់គ្នា សរសើរមិនដាច់ពីមាត់ ពីរូបសម្រស់ដ៏ស្រស់ស្អាតនិងលេចធ្លោ គួរឲ្យចាប់អារម្មណ៍។

យ៉ាងណាមិញ ប្រិយមិត្តរាល់គ្នា ធ្លាប់តែឃើញ ម៉ារីម៉ា ក្នុងស្ទាយ៍លេងខ្លួន បែបកាលីបហាយសូរ ព្រមទាំងមានការ ផាត់ម្សៅក្រាស់ៗ តែដល់ពេលបាន ឃើញមុខមាត់ពិតៗ រឹតតែភ្ញាក់ផ្អើលគ្រប់គ្នាតែម្ដង។

ជាក់ស្ដែង ថ្មីៗនេះ បានលេចចេញរូបភាព ជាច្រើនសន្លឹករបស់ តារាស្រីវ័យ៣៥ឆ្នាំរូបនេះ ក្នុងការតែងខ្លួនយ៉ាងសាមញ្ញ និងនៅលើមុខមាត់ គ្មានជាតិម្សៅ សូម្បីតែបន្តិចតែ ម៉ារីម៉ា នៅតែអាចឆាបយកបេះដូង ពីអ្នកគាំទ្រ តាមរយៈទម្រង់មុខ ដ៏ស្រស់ផូរផង់ រលោង អមដោយស្នាមញញឹមដ៏ស្រស់ថ្លាទៀតផង។​

ចង់ជ្រាបច្បាស់ ទស្សនារូបភាពខាងក្រោម៖