អាល្លឺម៉ង់៖ អាហ្សង់ទីន បានវាយបកតាមស្មើម្ចាស់ផ្ទះឥន្រ្ទីដែកអាល្លឺម៉ង់ក្នុងលទ្ធផល ២-២ ក្នុងជំនួបមិត្តភាពកម្ដៅសាច់ដុំកាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាល្លឺម៉ង់ជាអ្នកបើកការនាំមុខមុន ២គ្រាប់នៅវគ្គទីមួយ តាមរយៈគ្រាប់បាល់របស់ខ្សែប្រយុទ្ធ Bayern កីឡាករ Gnabry នៅនាទី១៥ និងខ្សែប្រយុទ្ធកំពុងឡើងជើង Kai Havertz នៅនាទី២២។
យ៉ាងណា ចូលដល់វគ្គទីពីរ អាហ្សង់ទីន បានចាប់ផ្ដើមការវាយបកវិញរហូតរកបានគ្រាប់បាល់តាមពីក្រោយនៅនាទី៦៦ ដោយកីឡាករ Lucas Alario មុននឹងរកបានគ្រាប់បាល់តាមស្មើនៅនាទី៨៥ ដោយកីឡាករ Lucas Ocampos។
អាល្លឺម៉ង់ធ្វើការប្រកួតកម្ដៅសាច់ដុំនេះឡើង ដើម្បីត្រៀមលក្ខណៈមុនការប្រកួតផ្លូវការឈានមកដល់ ដោយក្រុមរបស់លោក Joachim Low ត្រូវជួបអេស្ដូនីនៅថ្ងៃទី១៤ ខែតុលានេះ ក្នុងជំនួបវគ្គជម្រុះ EURO 2020 ខណៈអាហ្សង់ទីន ត្រូវទៅជួបអេក្វាដ័រនៅថ្ងៃទី១៣ ក្នុងជំនួបមិត្តភាពបន្តទៀត៕
សូមទស្សនាវីដេអូ Highlight រវាង អាល្លឺម៉ង់ និងអាហ្សង់ទីននៅខាងក្រោម៖