ខេត្តកំពង់ធំ ៖ ផ្ទះធ្វើអំពីឈើប្រក់ស័ង្កសីមួយខ្នងទំហំ៦មx៧មត្រូវបានអគ្គីភ័យលេបត្របាក់ខ្ទេចអស់ទាំងស្រុង និងម្ចាស់ផ្ទះបានរងរបួសត្រូវបញ្ជូនទៅសង្គ្រោះនៅមន្ទីរពេទ្យ ដែលហេតុការណ៍នេះបានកើតកាលពីរសៀលថ្ងៃទី០៨ ខែតុលា ឆ្នាំ២០១៩ ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកវរសេនីយ៍ឯក ខេន ឈុនគ័រ អធិការនគរបាលស្រុកកំពង់ស្វាយបានប្រាប់ឱ្យដឹងថា ផ្ទះដែលត្រូវភ្លើងឆេះមានទំហំ៦មx៧ម ធ្វើអំពីឈើ ដំបូលប្រក់ស័ង្កសី ជញ្ជាំងស្លឹករនាបក្តារ ដែលម្ចាស់ផ្ទះឈ្មោះ ព្រំ គឹមយ៉ុន ភេទស្រី អាយុ៦៤ឆ្នាំ រងរបួសរលាកខ្លួនជនរងគ្រោះត្រូវបានដឹកទៅមន្ទីពេទ្យខេត្តដើម្បីព្យាបាល។
ចំណែកសម្ភារដែលត្រូវខូចខាតរួមមាន ៖ ឆេះផ្ទះ១ខ្នងឆេះអស់ទាំងស្រុង, មាសចំនួន១៣ជី, ក្រវិលផ្លាកទីន១គូ, ប្រាក់ដប់លានរៀល, ចិញ្ចៀន២វង់, ទូរស័ព្ទចំនួន៣គ្រឿង និងរបស់ប្រើប្រាស់ក្នុងផ្ទះមួយចំនួនទៀត។
មូលហេតុដែលបណ្តាលឱ្យមានអគ្គីភ័យឆាបឆេះនេះដោយសារឆ្លងចរន្តអគ្គិសនី ហើយត្រូវបានរថយន្តពន្លត់អគ្គីភ័យចេញអន្តរាគមន៍សរុបចំនួន០៤គ្រឿងទើបមិនបង្កឱ្យឆេះរាលដាលបន្តទៅផ្ទះអ្នកជិតខាងឡើយ៕
ប្រភព៖ កោះសន្តិភាព
Bong I.T