ទីបំផុត Sririta និងគូស្នេហ៍ រកបានពេលវេលាច្បាស់លាស់ ថ្ងៃភ្ជាប់ពាក្យ និងរៀបការហើយ នៅដើមឆ្នាំក្រោយ

ថៃ៖ ក្រោយប្រកាសពីគម្រោងរៀបការឱ្យមហាជន ក៏ដូចជាអ្នកគាំទ្រទូទៅបានជ្រាបកន្លងមក ពេលនេះតារាសម្តែងស្រី កញ្ញា Sririta និងគូស្នេហ៍ ក៏បានចេញមុខមកបញ្ជាក់ពីថ្ងៃរៀបការរបស់ខ្លួនច្បាស់លាស់ហើយដែរ។

ជាក់ស្តែង កាលពីថ្ងៃម្សិលមិញនេះគូស្នេហ៍ តារាសម្ដែងស្រី កញ្ញា Srrita ក៏បានប្រកាសជ្រើសរើសយកថ្ងៃទី ០៤ ខែមករា ឆ្នាំ ២០២០ ខាងមុខនេះ គឺជាថ្ងៃរៀបចំធ្វើពិធីភ្ជាប់ពាក្យ ហើយរីឯពិធីរៀបអាពាហ៍ពិពាហ៍នឹងធ្វើឡើងនៅថ្ងៃទី២៩​ ខែកុម្ភះ ឆ្នាំ២០២០ ដោយធ្វើទៅតាមបែបប្រពៃណីទាំងអស់ផងដែរ។

ហើយពិធីដ៏ពិសេសទាំងពីរនេះ ក៏នឹងត្រូវប្រារព្ធធ្វើឡើង នៅក្នុងសណ្ឋាគារយ៉ាងឥតខ្ចោះមួយផងដែរ ដោយនឹងមានការចូលរួមពីសំណាក់ភ្ញៀវកិត្តិយស និងអ្នកសិល្បៈល្បីៗប្រុសស្រីជាច្រើនរូបថែមទៀតផង៕