អងគ្លេស៖ អតីតគ្រូបង្វឹកក្រុមតោខៀវ Chelsea និង បិសាចក្រហម Manchester United លោក Jose Mourinho អាចនឹងទៅជំនួសតំណែងអ្នកចាត់ការទូទៅក្រុម Tottenham Hotspur លោក Mauricio Pochettino បន្ទាប់ពីទម្រង់លេងរបស់ Spur ហាក់មានការធ្លាក់ចុះខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្ននេះលោក Mourinho បានសម្រាកពីការងារជាគ្រូបង្វឹកមួយរយៈបន្ទាប់ពីរូបលោកត្រូវបានក្លិបបិសាចក្រហមបណ្ដេញចេញកាលពីខែធ្នូឆ្នាំ២០១៨ មុនការកំណត់ដែលកុងត្រារបស់លោកត្រូវបញ្ចប់រហូតដល់ឆ្នាំ២០២០ឯណោះ។
Spur ស្ថិតក្នុងចំណោមក្លិបដែលមានទំនាក់ទំនងជាមួយគ្រូបង្វឹកសញ្ជាតិព័រទុយហ្កាល់រូបនេះ។បុរសវ័យ៥៦ឆ្នាំរូបនេះបានត្រៀមខ្លួនរួចជាស្រេចនិងកំពុងទន្ទឹងរង់ចាំឱកាសដ៏ល្អមួយ បន្ទាប់ពីរូបលោកធ្លាប់បានច្រានចោលសំណើអោយទៅដឹកនាំក្លិប Benfica នឹងការដាក់សំណើពីក្រុម Guangzhou Evergrande ក្នុងតម្លៃ២៨លានផោន(ឬ៣៤,២លានដុល្លារអាមេរិក) ក្នុង១រដូវកាលដែលអាចជាតម្លៃបំបែកកំណត់ត្រាក្នុងនាមជាគ្រូបង្វឹកដែលមានប្រាក់ឈ្នួលថ្លៃជាងគេប្រចាំប្រវត្តិសាស្រ្តបាល់ទាត់។
លោក Mourinho បាននិយាយថា៖
ខណៈពេលនេះ Spur កំពុងតែខ្វាយខ្វល់ពីអនាគតរបស់លោក Mauricio Pochettino បន្ទាប់ពីលោកដឹកនាំក្រុមមិនសូវជាជោគជ័យប៉ុន្មានប្រកួតចង់ក្រោយនេះ។
គួររម្លឹកផងដែរថាក្រុម Tottenham Hotspur របូតគ្រាប់បាល់រហូតដល់ទៅ១០គ្រាប់ក្នុងរយៈពេល២ប្រកួតចង់ក្រោយនេះ ដោយរងបរាជ័យក្រោមថ្វីជើងក្រុម Brighton ៣-០ និងចាញ់ Bayern Muncih ក្នុងព្រឹត្តិការណ៍ Champions League ៧-២ ជាហេតុធ្វើអោយកៅអីរបស់លោក Pochettino កាន់តែក្ដៅឡើង ៕
ប្រភព៖ Dailymail