រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ជនសង្ស័យម្នាក់ចូលឆ្កឹះសោបម្រុងលួចយកម៉ូតូប្រជាពលរដ្ឋ រស់នៅផ្ទះជួលតែមិនបានសម្រេចត្រូវបានម្ចាស់ផ្ទះព្រមទាំងប្រជាជនពលរដ្ឋរស់នៅផ្ទះជួលខាងលើឃាត់បានម្នាក់ ប្រគល់ឲ្យសមត្ថកិច្ចភ្លាមៗបង្កឲ្យមានការភ្ញាក់ផ្អើល កាលពីវេលាម៉ោង២និង៤០នាទី រំលងអធ្រាត្រឈានចូលថ្ងៃទី០៩ ខែតុលានេះ នៅភូមិព្រៃព្រីងខាងជើង២ សង្កាត់ចោមចៅទី៣ ខណ្ឌពោធិ៍សែនជ័យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជនសង្ស័យឈ្មោះ នឹម រី ហៅប៊ិច ភេទប្រុស អាយុ២២ឆ្នាំ មុខរបររោងចក្រ ស្នាក់នៅភូមិ ចោមចៅ៣ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅភូមិភ្នំខ្លែង ឃុំ ព្រៃ ស្លឹកស្រុកទ្រាំខេត្ត តាកែវ។
ជនរងគ្រោះម្ចាស់ផ្ទះឈ្មោះ ទា សុថា ភេទប្រុស អាយុ៤៩ រស់នៅភូមិព្រៃព្រីងខាងជើង២សង្កាត់ចោមចៅទី៣ ខណ្ឌពោធិ៍សែនជ័យ និងអ្នកចូលរួមឃាត់ជនសង្ស័យឈ្មោះ ឯករដ្ឋា ភេទប្រុស អាយុ៣២ឆ្នាំ រស់នៅភូមិកើតហេតុខាងលើ។
តាមប្រភពព័ត៌មានពីជនរងគ្រោះជាម្ចាស់ផ្ទះបាននិយាយប្រាប់ថា នៅមុនពេលកើតហេតុ មេការផ្ទះជួលខាងលើបានឃើញជនសង្ស័យចូលផ្ទះជួលបម្រុងលួចយកម៉ូតូគាត់បានបញ្ជាក់ប្រាប់ថា ផ្ទះជួលរបស់គាត់មានរបង និងចាក់សោត្រឹមត្រូវ ។ បន្ទាប់មកបានឃាត់ជនសង្ស័យរួចប្តឹងសមត្ថកិច្ចឲ្យជួយអន្តរាគមន៍ និងយកទៅសួរនាំនៅប៉ុស្តិ៍នគរបាលរដ្ឋបាលចោមចៅទី៣ ភ្លាមៗផងដែរ។
បន្ទាប់ពីសមត្ថកិច្ចសាកសួរដោយជនសង្ស័យបានបដិសេធន៍ថា គាត់មិនបានចូលលួច អីវ៉ាន់ និងម៉ូតូផ្ទះកើតហេតុនោះទេ ដោយមកលេងមិត្តភក្តិឈ្មោះ អារាជ នៅផ្ទះខាងលើ ចំណែកឯម្ចាស់ផ្ទះគាត់បានបញ្ជាក់ប្រាប់ថា ឈ្មោះម្នាក់ដែលជាមិត្តភក្ដិជនសង្ស័យមិនដែលមាននៅផ្ទះជួលខាងលើនោះឡើយ។
ក្រោយពេលកើតហេតុ បន្ទាប់ពីជនរងគ្រោះជាម្ចាស់ផ្ទះបានដាក់ពាក្យបណ្ដឹង សមត្ថកិច្ចនគរបាលប៉ុស្តិ៍បានកសាងបញ្ជូនទៅផ្នែកជំនាញព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធី៕
ប្រភព៖ កោះសន្តិភាព