ព្រឹត្តិការណ៍ដ៏អស្ចារ្យ វាយដណ្តើមខ្សែក្រវាត់៣ ក្នុងថ្ងៃតែមួយ One Championship លើកទី១០០! (មានវីដេអូ)

ភ្នំពេញ៖ ថ្ងៃទី១៣ ខែតុលា ឆ្នាំ២០១៩ ស្ថានីយទូរទស្សន៍ CTN និង Page CTN នឹងផ្សាយបន្តផ្ទាល់ នូវកំពូលព្រឹត្តិការណ៍ដ៏អស្ចារ្យមិនដែលមានពីមុនមក នៃការវាយដណ្តើមខ្សែក្រវាត់៣ ក្នុងថ្ងៃតែមួយ នៃស្ថាប័ន One Championship លើកទី១០០ ដែលទស្សនិកជនទន្ទឹងរង់ចាំបានមកដល់ហើយ។

នេះជាព្រឹត្តិការណ៍មួយដែលមិនធ្លាប់មានពីមុនមកឡើយ ដែលនឹងធ្វើឱ្យប្រិយមិត្តកាន់តែជក់ចិត្ត ភ្លេចបាយភ្លេចទឹក ជាមួយការប្រកួតដណ្តើមខ្សែក្រវាត់ One Championship លំដាប់ពិភពលោក ដែលមានអ្នកទស្សនារាប់លាននាក់កំពុងតែទន្ទឹងរង់ចាំ។ ព្រឹត្តិការណ៍នេះ ប្រាកដជាកក្រើកនៅក្នុងទីក្រុងតូក្យូ ប្រទេសជប៉ុន នៅថ្ងៃទី១៣ ខែតុលា ឆ្នាំ២០១៩នេះ។

ការប្រកួតដ៏អស្ចារ្យនេះ ក៏មានគូប្រកួតជាច្រើន ដែលនឹងត្រូវប្រឈមមុខដាក់គ្នា ដោយគ្មានញញើតគ្នាអ្វីបន្តិចសោះឡើយដូចជា កីឡាការិនី LEE ប៉ះជាមួយកីឡាការិនី XIONG កីឡាករ JOHNSON ប៉ះជាមួយកីឡាករ KINGAD និង កីឡាករ ALVAREZ ប៉ះជាមួយកីឡាករ ARSLANALIEV ដែលសុទ្ធសឹងតែជាគូប្រកួតដ៏ជក់ចិត្ត។

តើកីឡាករ កីឡាការិនី រូបណា ដែលជាម្ចាស់ខ្សែក្រវាត់លំដាប់ពិភពលោក One Championship លើកនេះ?

ស្ថានីយទូរទស្សន៍ CTN និង Page CTN នឹងធ្វើការផ្សាយបន្តផ្ទាល់ព្រឹត្តិការណ៍ One Champioship ពីទីក្រុងតូក្យូ ប្រទេសជប៉ុន នៅថ្ងៃអាទិត្យ ទី១៣ ខែតុលា ឆ្នាំ២០១៩ ចាប់ពីម៉ោង ៩ព្រឹកតទៅ៕