អេស្ប៉ាញ៖ ក្លិប Real Madrid ត្រូវបានគេរាយការណ៍ថាបានចាប់អារម្មណ៍ទៅលើខ្សែបម្រើសញ្ជាតិបារាំងកីឡាករ Nabil Fekir បន្ទាប់ពីកីឡាកររូបនេះបង្ហាញទម្រង់ដ៏លេចធ្លោអោយក្រុម Real Betis ក្នុងរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Fekir បានផ្ទេរពីក្រុម Lyon មកចួលរួមជាមួយក្លិប Real Betis កាលពីខែកក្កដាឆ្នាំ២០១៩នេះ ដោយកីឡាកររូបនេះក៏ជាកីឡាករសំខាន់មួយរូបជួយអោយក្រុមជម្រើសជាតិបារាំងឈ្នះពាន World Cup ឆ្នាំ ២០១៨ ផងដែរ។
ខ្សែបម្រើសញ្ជាតិបារាំងរូបនេះបានបង្ហាញទម្រង់លេងបានយ៉ាងល្អអោយក្រុម Real Betis ក្នុងរដូវកាលថ្មីនេះដោយស៊ុតបញ្ចូលទីបាន២គ្រាប់និងបញ្ជូនបាល់អោយមិត្តរួមក្រុមបញ្ចប់ទីបាន១ដងក្នុងការបង្ហាញខ្លួន៦ប្រកួត។
តាមរយៈកាសែត Don Balon បានអោយដឹងថាក្លិប Real Madrid ចាប់អារម្មណ៍ក្នុងការផ្ទេរយកកីឡាកររូបនេះពី Real Betis ដោយខាងក្លិបទាមទារ៨០លានអឺរ៉ូ(ឬ ៨៨លានដុល្លារអាមេរិក) បើសិន Real Madrid ចង់បានកីឡាកររូបនេះ។
តាមរយៈព័ត៌មាននេះអាចសន្និដ្ឋានបានថាក្លិប Real Madrid ហាក់ត្រូវការខ្សែបម្រើបន្ថែមក្រោយកីឡាករ Isco, Asensio និង Modric កំពុងរបួស ដូច្នេះកីឡាករ Fekir អាចជាកម្លាំងសំខាន់ជួយពង្រឹងតំបន់បម្រើរបស់ Real Madrid ដែលកំពុងជួបបញ្ហាខ្សែបម្រើជាច្រើនរូបរបួសរដូវកាលនេះ៕
ប្រភព៖ Caughtoffside