ស៊ុំ សុម៉ាលី លេចមុខក្នុងសិល្បៈជាថ្មី ស្អាតប្លែកជាងមុនដាច់

ភ្នំពេញ៖ អ្នកនាង ស៊ុំ សុម៉ាលី ដែលជាតារាសម្ដែងស្រី ដ៏ពេញនិយមមួយរូប កាលពីប៉ុន្មានឆ្នាំមុន ដោយភាគច្រើនតារារូបនេះ តែងមានការសម្ដែងក្នុង ខ្សែភាពយន្តនានា ព្រមទាំងវីដេអូចម្រៀងជាដើម។

ប៉ុន្តែ ស្រាប់តែសុខៗ ស៊ុំ សុម៉ាលី បានលាឈប់ពី វិស័យសិល្បៈមួយរយៈធំ ដោយត្រូវរៀបការជាមួយស្វាមី និងមើលថែកូនស្រី ជាទីស្រលាញ់ថែមផងដែរ។

យ៉ាងណាមិញ កាលពីពេលថ្មីៗនេះ តារាស្រីសាច់សខ្ចី​រូបនេះ បានបង្ហាញវត្តមានក្នុងសកម្មភាពសិល្បៈសារជាថ្មី អមជាមួយនឹងតារាផ្សេងៗទៀត។ បន្ថែមពីនេះដែរ ស៊ុំ សុម៉ាលី បានធ្វើឲ្យអ្នករាល់គ្នា ភ្ញាក់ផ្អើលយ៉ាងខ្លាំង ជាមួយនឹងរូបសម្រស់ មុខមាត់ស្រស់ស្អាត ថែមទាំងមានស្ទាយ៍លេងខ្លួន បានកាលីបទាន់សម័យ ខុសពីពេលមុន ដាច់តែម្ដង។

ដោយឡែក គ្រាន់តែជ្រាបអំពី ការវិលត្រឡប់មកវិញម្ដងទៀត ក្នុងវិស័យសិល្បៈរបស់ ស៊ុំ សុម៉ាលី ភ្លាមធ្វើឲ្យហ្វេនៗទាំងអស់ ទន្ទឹងរង់ចាំមើលយ៉ាងអន្ទះសារ ចំពោះសា្នដៃសម្ដែង របស់អ្នកម្ដាយកូនមួយរូបនេះជាថ្មី៕

ចង់ជ្រាបច្បាស់ ទស្សនារូបភាពខាងក្រោម៖