ភ្នំពេញ៖ អំពូលភ្លើងម៉ាក ហ្វីលីព (Philips Lighting) បានមកដល់ទីផ្សារកម្ពុជាហើយ ដោយមានក្រុមហ៊ុន មីងវួយគ្រុប ជាអ្នកទទួលបានសិទ្ធិចែកចាយពីក្រុមហ៊ុនមេ Signify។ ការនាំចូលអំពូលភ្លើងម៉ាកល្បីនេះ គឺជាការនាំយកនូវដំណោះស្រាយនៃបច្ចេកវិទ្យាភ្លើងបំភ្លឺចុងក្រោយឲ្យកាន់តែមានភាពងាយស្រួលដល់ពលរដ្ឋកម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនាមជាអ្នកចែកចាយប្រចាំកម្ពុជា មីងវួយគ្រុប នឹងជួយជ្រោមជ្រែងអតិថិជនរបស់ខ្លួន ដែលជាតំណាងចែកចាយបន្ត ឲ្យទទួលបាននូវបទពិសោធន៍នៃបច្ចេកវិទ្យា ភាពជាក់លាក់ និងប្រកបដោយប្រសិទ្ធភាពខ្ពស់ នៃការផ្ដល់ជូននូវដំណោះស្រាយភ្លើងបំភ្លឺ ព្រមទាំងទទួលបាននូវការពិគ្រោះយោបល់ជាមួយអ្នកជំនាញ ទៅលើផលិតផលដែលសមស្របសម្រាប់តម្រូវការរបស់ពួកគេ។
លើសពីនេះទៅទៀត ការផ្ដល់ជូននូវភ្លើងបំភ្លឺជាច្រើនយ៉ាង និងទូលំទូលាយពី ហ្វីលីព ក៏ជាការឆ្លើយតបទៅនឹងតម្រូវការរបស់អតិថិជនគ្រប់ជាន់ថ្នាក់ផងដែរ។
លោក Ninov Akbar អ្នកគ្រប់គ្រងទូទៅនៃ មីងវួយគ្រុប បានមានប្រសាសន៍ថា៖
«រាជធានីភ្នំពេញ នឹងទទួលបានអត្ថប្រយោជន៍ពីការច្នៃប្រឌិតនៃអំពូល LED ដែលនឹងជួយជម្រុញការអភិវឌ្ឍន៍សេដ្ឋកិច្ច តាមរយៈការកាត់បន្ថយការចំណាយខ្ជះខ្ជាយ (ការសន្សំសំចៃថាមពល) ដោយចាប់ផ្ដើមពីការសន្សំសំចៃអគ្គិសនីបំភ្លឺតាមផ្ទះ តាមក្រុមហ៊ុនអាជីវកម្មផ្សេងៗ និងទីក្រុងយើងទាំងមូល»។
ចំណែកលោក Vay ដែលជានាយកប្រតិបត្តិក្រុមហ៊ុន មីងវួយគ្រុប ក៏បានមានប្រសាសន៍ដែរថា៖
«យើងពិតជាមានមោទនភាព ក្នុងការធ្វើការរួមគ្នាជាមួយក្រុមហ៊ុន Signity និងធ្វើការចែកចាយ ដែលមានការអនុញ្ញាតិជាផ្លូវការប្រចាំកម្ពុជា»។
សូមបញ្ជាក់ថា អំពូលភ្លើង Philips បានផ្ដល់ភាពងាយស្រួលដល់អតិថិជន ដោយសារការគោរពតាមក្ខណៈវិនិច្ឆ័យ Eye-comfort ដែលធានាឲ្យមានពន្លឺល្អ តែមិនប៉ះពាល់ដល់ភ្នែកអ្នកប្រើប្រាស់នោះទេ។
ចាប់ពីពេលនេះតទៅ ម្ចាស់គេហដ្ឋាន អ្នករចនា Interior designers អ្នកចូលចិត្តកែលម្អ គេហដ្ឋាន និងអ្នកគ្រប់គ្រងគំរោង អាចរីករាយនឹងបទពិសោធន៍ទិញទំនិញតាមច្រកចេញចូលតែមួយ រួមទាំងការពិគ្រោះយោបល់ឥតគិតថ្លៃជាមួយអ្នកជំនាញខាងភ្លើងបំភ្លឺថែមទៀតផង។
សេវាកម្មនេះអាចរកបានពី ហាងពន្លឺហ្វីលីពរបស់មីងវួយគ្រុប ដែលមានទីតាំងនៅផ្ទះលេខ G05/G06 មហាវិថីព្រះមុន្នីវង្ស សង្កាត់បឹងរាំង ខណ្ឌដូនពេញ រាជធានីភ្នំពេញ ឬទំនាក់ទំនងតាមលេខទូរស័ព្ទ 093 482 777៕
Bong I.T