ភ្នំពេញ៖ នាពេលនេះសិស្សជាច្រើនរូប ដែលទទួលបាននិទ្ទេសA នៅក្នុងការប្រលងបាក់ឌុបឆ្នាំ២០១៩នេះ បានទទួលនូវរង្វាន់ជាទីគាប់ចិត្តពីថ្នាក់ដឹកនាំ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ចំនួន៤៤៣នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងនៅក្នុងនោះ មានការរំជួលចិត្តយ៉ាងខ្លាំង ក្រោយបានឃើញយុវវត្តី តែ សុខលី ដែលជាប់និទ្ទេសA មួយរូប បានសុំទទួលរង្វាន់ ក៏ដូចជាថតរូបជាមួយនឹងសម្តេច ព្រោះតែហេតុផលដ៏សែនក្តុកក្តួល ធ្វើឲ្យមហាជនជាច្រើនពិតជាអាណិតយ៉ាងខ្លាំង។
ដោយក្នុងនោះ នាងបានមកបំណងធំរបស់ឪពុកនាង គឺចង់ឱ្យនាងបានជួបសម្តេច និងថតរូបអនុស្សាវរីយ៍ជាមួយសម្តេចតេជោ ខណៈពេលដែលឪពុករបស់នាងបានលាចាកលោក ត្រៀមនឹងបូជានាថ្ងៃនេះ ដែលជាហេតុធ្វើឲ្យប្អូនស្រីប្រញាប់ទៅស្រុកកំណើតរបស់ខ្លួនវិញយ៉ាងដូច្នោះ។
ជាមួយគ្នានេះដែរ បណ្តាអ្នកលេងបណ្តាញសង្គមពិតជារំជួលចិត្តយ៉ាងខ្លាំង នៅពេលដែលឃើញសកម្មភាពបែបនេះ សុំសម្តេចថតរូបអនុស្សាវរីយ៍តាមបំណងឪពុក តែគួរឲ្យសោកស្តាយបំផុតឪពុកនាងមិនបានមើលឃើញរូបថតនោះទេ៕
ប្រភព៖BTV Cambodia
សូមទស្សនារូបភាពខាងក្រោមនេះ៖