អាមេរិក៖ ថ្មីៗនេះ ឆ្កែដ៏គួរឲ្យស្រលាញ់មួយក្បាលកំពុងក្លាយទៅជាតារាអ៊ិនធើណែត ព្រោះតែមានទម្រង់មុខមើលទៅញញឹមស្រទន់ដូចមនុស្ស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា ឆ្កែឈ្មោលមួយក្បាលនោះមានឈ្មោះថា Nori ជាប្រភេទពូជកាត់ Aussiepoo ដែលស្ថិតនៅក្រោមការចិញ្ចឹមដោយលោក Kevin Hurless និងនាង Tiffany Ngo មកពីទីក្រុង Seattle សហរដ្ឋអាមេរិក។ Nori មានទម្រង់គ្រាប់ភ្នែកដូចជាផ្លែអាល់ម៉ុនជាមួយនឹងបបូរមាត់ស្តួចពណ៌ផ្កាឈូក ដែលមើលទៅដូចមនុស្សញញឹមពិតៗ។
លោក Kevin បាននិយាយថា៖
«នៅពេលដែល Nori នៅតូច រាល់ពេលដែលចេញទៅក្រៅម្ដងៗ តែងតែមានមនុស្សមកសួរពីវារហូត។ នៅពេលដែលវាធំលូតលាស់បន្ដិចក៏មិនសូវមានអ្នកសួរ ប៉ុន្ដែមនុស្សជាច្រើននៅតែនិយាយថា វាមានមុខមាត់ដូចនឹងមនុស្ស។ វាគឺជាឆ្កែមួយក្បាលដែលគួរឲ្យស្រលាញ់ រាក់ទាក់ និងចូលចិត្តលេងច្រើន។ វាតែងតែបង្ហាញភាពស្និតស្នាលទៅកាន់ឆ្កែដ៏ទៃទៀតដែលវាបានជួប។»
ក្រោយពីលោក Kevin បានបង្ហោះរូបភាពរបស់ Nori ជាច្រើនសន្លឹកទៅលើបណ្ដាញសង្គម Twitter រួចមក បានធ្វើឲ្យអ្នកលេងបណ្ដាញសង្គមចាប់អារម្មណ៍យ៉ាងខ្លាំងនិងមានភាពល្បីល្បាញយ៉ាងឆាប់រហ័សទៀតផង៕
សូមទស្សនារូបភាពនៅខាងក្រោម៖
Bong I.T