ភ្នំពេញ៖ មកទល់នឹងពេលនេះ រូបកាយតារាកំប្លែងប្រុស នាយ សាន ម៉ៅ បានចាកចេញពីលោកនេះហើយ កូនខ្មែរគ្រប់រូប ដែលតែងតែស្រលាញ់ការសម្តែងរបស់លោកកន្លងមក និងលែងឃើញមុខលោកនៅលើកញ្ចក់ទូរទស្សន៍ដូចមុន ខណៈបន្សល់តែស្នាដៃ និងវីដេអូកំប្លែងជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ងាកត្រឡប់ទៅមើល ពិធីបុណ្យបូជាសពរបស់លោក កាលពីម្សិលមិញនេះ ឃើញថាពិតជាក្តុកក្តួលយ៉ាងខ្លាំង ក្រោយបានឃើញវីដេអូសកម្មភាពជាលើកចុងក្រោយ មុននឹងរំលាយរូបកាយលោក ដែលធ្វើឲ្យក្រុមគ្រួសារទាំងអស់នាំគ្នាយំ ទាំងក្តីសោកស្តាយយ៉ាងខ្លាំងចំពោះការបាត់បង់លោក។
តាមរយៈវីដេអូមួយនេះ បានធ្វើឲ្យអ្នកទស្សនា ក៏ដូចជាហ្វេនៗជាច្រើន ពិតជាក្តុកក្តួលនៅក្នុងចិត្តខ្លាំង មើលហើយសឹងតែស្រក់ទឹកភ្នែកទៅតាម ដែលមិនត្រឹមតែកូនៗ សូម្បីតែចៅៗតូចៗរបស់លោក ក៏នាំគ្នាយំសោកស្តាយខ្លាំងណាស់ដែរ។
ជាមួយគ្នានេះដែរ បណ្តាអ្នកគាំទ្រ ពិតជាមានការសោកស្តាយយ៉ាងខ្លាំងចំពោះការបាត់បង់ សិល្បករខ្មែរ ដែលបានលាចាកលោកនេះ ចាប់ពីពេលនេះទៅហើយ៕
សូមទស្សនាវីដេអូខាងក្រោមនេះ៖