កូរ៉េខាងត្បូង៖ នាព្រឹកព្រលឹមថ្ងៃនេះ គេបានប្រទះឃើញ តារាសម្តែងប្រុសរូបសង្ហា Lee Dong Wook បានធ្វើដំណើរមកដល់ព្រលានយន្តហោះអន្តរជាតិ ដើម្បីធ្វើដំណើរហោះឆ្ពោះទៅបំពេញការងារផ្ទាល់ខ្លួន នៅឯក្រៅប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ទន្ទឹមនឹងលោកបានធ្វើដំណើរមកដល់ព្រលានយន្តហោះ ជាមួយនឹងកងអង្គរក្ស និងមានបណ្តាអ្នកសារព័ត៌មានរង់ចាំផ្តិតយករូបភាពព្រោងព្រៀតនោះ ស្រាប់តែគេបានកត់សម្គាល់ឃើញថា តារាប្រុសវ័យ៣៧ឆ្នាំរូបនេះ បានដើរឆ្លងផ្លូវនៅពេលស្តុបសញ្ញានៅពណ៌ក្រហម។
ជាក់ស្តែង យោងតាមរូបថតខាងក្រោមនេះ បានឲ្យឃើញថា អង្គរក្សរបស់លោកបានដើរនាំមុខ ចំណែកឯ លោក Lee Dong Wook បានដើរតាមពីក្រោយ ប៉ុន្តែខណៈពេលដែលលោកបានដឹងខ្លួនថា កំពុងតែដើរឆ្លងកាត់ស្តុបក្រហមភ្លាម លោក Lee Dong Wook ក៏បានព្យាយាមរត់ឆ្លងកាត់ផ្លូវយ៉ាងរហ័សភ្លាមៗតែម្តង។
ប៉ុន្តែមិនថាយ៉ាងណា បណ្តាអ្នកនិយមលេងអ៊ីនធឺណែតជាច្រើន បានចាប់ផ្តើមនាំគ្នាធ្វើការរិះគន់ ទៅលើតារាសម្តែងប្រុសសាច់ចាំរូបសង្ហារូបនេះ ពីបទរំលោភលើសញ្ញាឆ្លងកាត់ផ្លូវ។ ហើយពួកគេថែមទាំងបានអះអាងទៀតថា វាជាការមិនទទួលខុសត្រូវមួយ ចំពោះការដែលលោកបានរំលោភច្បាប់ ក្នុងនាមជាសារណៈជនម្នាក់ផងដែរ៕