កូរ៉េខាងត្បូង៖ Seulgi សមាជិកក្រុម Red Velvet អាចចាត់ទុកបានថា នាងគឺជាតារាចម្រៀង Kpop ស្រីម្នាក់ ដែលនិយមចូលចិត្តស្ទាយ៍សម្លៀកបំពាក់ បែបរលុងៗនិងងាយស្រួយៗសម្រាប់ខ្លួនឯងជានិច្ច ប៉ុន្តមិនថាយ៉ាងណារាល់ម៉ូតសម្លៀកបំពាក់ដែលនាងបានស្លៀក គឺសុទ្ធសឹងតែមានការចាប់អារម្មណ៍ខ្លាំងមិនធម្មតាឡើយ ពីសំណាក់ប្រិយមិត្តទស្សនិកជន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងក៏ដូចជាកាលពីថ្មីៗនេះ Seulgi រួមទាំងសមាជិកក្រុមទាំងអស់របស់ខ្លួន បានធ្វើដំណើរទៅកាន់ព្រលានយន្ត ដើម្បីហោះឆ្ពោះទៅបំពេញកិច្ចការងារនៅឯក្រៅប្រទេស។ ដោយឡែក អ្វីដែលធ្វើឲ្យមហាជនគ្រប់គ្នា មានការចាប់អារម្មណ៍បំផុតនោះ គឺការស្លៀកពាក់តុបតែងខ្លួនរបស់នាងតែម្តង។
ជាការពិតណាស់ ក្នុងនោះSeulgi នាងបានស្លៀកនូវរ៉ូបរលុងខ្លីពណ៌ខ្មៅពីខាងក្នុង ជាមួយនឹងអាវធំពណ៌គគីរនៅខាងក្រៅ និងមានកាបូបយូរដៃម៉ាក Louis Vuitton ព្រមទាំងពាក់វ៉ែនតាបែប Cute Cute ផងដែរ ដែលស្ទាយ៍មួយនេះរបស់ Seulgi ធ្វើប្រិយមិត្តគាំទ្រចាស់ៗ នឹកឃើញដល់ស្ទាយ៍តុបតែងខ្លួនយ៉ាងទាន់សម័យកាលពីជំនាន់ឆ្នាំ ៩០តែម្តងផងដែរ។
មិនតែប៉ុណ្ណោះ ការតុបតែងខ្លួនបែបនេះរបស់Seulgi ធ្វើឲ្យនាងទទួលបានការកោតសរសើរយ៉ាងច្រើន ពីសំណាក់អ្នកគាំទ្រ និងបូករួមទាំងការផាត់មុខស្តើងៗបែបធម្មជាតិរបស់នាងថែមទៀតនោះ ធ្វើឲ្យគ្រប់គ្នាកាន់តែលង់ស្រលាញ់នាងតែម្តង៕