ភ្នំពេញ៖ ដំណឹងដ៏រន្ធត់ការស្លាប់ របស់តារាកំប្លែងជើងចាស់ ដ៏មានប្រជាប្រិយភាព នាយសានម៉ៅ បានធ្វើឲ្យក្រុមគ្រួសារ ក៏ដូចជាមិត្តរួមសិល្បៈជាច្រើន សឹងតែមិនចង់ជឿ ថាលោកបានចាកចេញពីលោកនេះ ត្រឹមរយៈពេលដ៏ខ្លី ដែលបន្សល់ទុកនូវ ស្នាដៃវីដេអូកំប្លែងជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមកទល់នឹងពេលនេះ ពិធីបុណ្យសពរបស់តារាប្រុសរូបនេះ បានប្រព្រឹត្តទៅហើយ ដោយនាព្រឹកមិញនេះក៏មានវត្តមានសិល្បករជើងចាស់ ដែលធ្លាប់សម្តែងរួមគ្នា ជាច្រើនរូបពិតជាទប់អារម្មណ៍មិនចង់បាន នាំគ្នាទៅចូលរួមពិធីបុណ្យសពលោកពោរពេញដោយក្តីក្រៀមក្រំបំផុត។
ដោយក្នុងនោះក៏មានលោកយាយណយ សំណាង ដែលជាតារាជើងចាស់ កំពុងតែមានជំងឺប្រចាំកាយ ក៏បានទៅចូលរួមបង្ហាញនូវភាពសោកសៅយ៉ាងខ្លាំង ចំពោះការបាត់បង់របស់លោក។ លើសពីនេះទៅទៀត នៅក្នុងនោះក៏មានមិត្តសិល្បៈជាច្រើនទៀតបានបង្ហាញការសោកស្តាយយ៉ាងខ្លាំងផងដែរ។
ជាមួយគ្នានេះដែរ បណ្តាអ្នកគាំទ្រជាច្រើនបាននាំគ្នា សរសើរដល់អ្នករួមសិល្បៈជាច្រើនដួងនេះដែលទោះបីជាកំពុងមានជំងឺ ខ្លួនកាន់តែចាស់ និងរវល់បែបណាក្តី ក៏ពួកគាត់នៅតែមិនភ្លេចចូលជូនដំណើរដល់តារាប្រុសរូបនេះ ក្នុងថ្ងៃចុងក្រោយដែរ៕
សូមទស្សនរូបភាពខាងក្រោមនេះ ដែលខ្មែរឡួតផ្តិតបាន៖