ភ្នំពេញ៖ កោះតៃវ៉ាន់ខាងត្បូង ជាតំបន់ដែលមានអាកាសធាតុយ៉ាងអំណោយផលអាចឱ្យជនជាតិតៃវ៉ាន់ដាំដំណាំម្នាស់ ដែលជាដំណាំបែបត្រូពិចបានយ៉ាងល្អរយៈពេលច្រើនជាង ៣០០ ឆ្នាំ ដែលមកទល់ពេលនេះម្នាស់ក្លាយជាផ្លែឈើមួយក្នុងចំណោមផ្លែឈើល្បីឈ្មោះបំផុតនៅប្រទេសតៃវ៉ាន់។ ជាច្រើនជំនាន់មកហើយ ដែលជនជាតិតៃវ៉ាន់បន្តប្រកបរបរចិញ្ចឹមជីវិតដោយការធ្វើចម្ការម្នាស់ និងប្រើប្រាស់ផ្លែម្នាស់ក្នុងការធ្វើអាហារបង្អែម និងភេសជ្ជៈផ្សេងៗ ដូចជាគ្រួសារមួយដែលបានរកឃើញរូបមន្តភេសជ្ជៈម្នាស់ ហើយត្រូវបានយកមកប្រើប្រាស់រហូតមកដល់សព្វថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សផ្អែកទៅលើអត្ថបទមួយដកស្រង់ចេញពីទំព័ររបស់ YiFang Taiwan Fruit Tea United Kingdom:
Source: https://www.yifangtea.co.uk
រយៈពេលជាង ១០០ ឆ្នាំមុន នៅក្នុងកំឡុងពេលដែលកោះតៃវ៉ាន់ស្ថិតនៅក្រោមអាណានិគមរបស់ប្រទេសជប៉ុន មាននារីម្នាក់ឈ្មោះ អ៊ី ហ្វាង បានរៀបការចូលគ្រួសារមួយ ដែលស្វាមីនាងជាអ្នកដាំម្នាស់។
ពីមួយថ្ងៃទៅមួយថ្ងៃ ស្វាមីនាងខិតខំធ្វើចម្ការនៅក្រោមពន្លឺព្រះអាទិត្យដ៏សែនក្តៅយ៉ាងនឿយហត់ ដែលធ្វើឱ្យនាងមានក្តីបារម្ភពីសុខភាពរបស់គាត់។ អំឡុងពេលប្រមូលផល មានម្នាស់ទុំជាច្រើនដែលមិនត្រូវបានយកទៅប្រើប្រាស់ ដូច្នេះនាងក៏មានគំនិតយកម្នាស់ទាំងនោះទៅកែច្នៃ។
អ៊ី ហ្វាង បានយកម្នាស់ទុំមករំងាស់យកជាតិផ្អែមរបស់វាធ្វើជាដំណាប់ដើម្បីរក្សាទុកបានយូរ។បន្ទាប់មកនាងបានយកដំណាប់មួយស្លាបព្រាលាយជាមួយទឹកធ្វើឱ្យចេញជាភេសជ្ជៈម្នាស់ ដែលអាចកាត់បន្ថយភាពស្រេក និងបញ្ចុះកម្តៅជូនស្វាមីនាង ដើម្បីបង្ហាញក្តីស្រឡាញ់ និងក្តីបារម្ភចំពោះគាត់។
វិធីនេះត្រូវបានបន្តពីមួយជំនាន់ទៅមួយជំនាន់ រហូតដល់សព្វថ្ងៃនេះកូនចៅជំនាន់ក្រោយរបស់គាត់បានយករូបមន្តនេះទៅបង្កើតជាហាង «YiFang Taiwan Fruit Tea» ដែលមានភាពល្បាញល្បីនៅប្រទេសតៃវ៉ាន់ ដើម្បីចែកចាយទៅមនុស្សជាច្រើនផ្សេងទៀតបានស្គាល់ពីស្នាដៃដ៏អស្ចារ្យ ដែលមានរយៈពេលជិត ១០០ ឆ្នាំនេះ។ ពួកគេបានបញ្ចូលអនុស្សាវរីយ៍ចាស់ៗ និងភាពកក់ក្តៅទៅក្នុងភេសជ្ជៈមួយកែវនេះ ដោយប្រើប្រាស់ស្ករម្នាស់ផ្លែឈើស្រស់តាមរដូវគ្រឿងផ្សំធម្មជាតិធ្វើឱ្យគ្រប់ពេលដែលអ្នកបានផឹក អ្នកនឹងទទួលបានក្លិនដ៏ឈ្ងុយឈ្ងប់នៃស្លឹកតែធម្មជាតិរសជាតិផ្លែឈើស្រស់ និងស្គាល់ពីរសជាតិដើមនៃប្រទេសតៃវ៉ាន់។
មកដល់ពេលនេះមិនមែនមានតែហាងនេះនោះទេ ដែលប្រើប្រាស់ស្ករម្នាស់មកធ្វើជាគ្រឿងផ្សំ។ ហាងដទៃទៀតដែលកំពុងតែល្បាញល្បីដូចគ្នាមានដូចជា ៖
- Chia Te Bakery (佳德) ជាហាងដែលប្រើប្រាស់ម្នាស់ជាគ្រឿងផ្សំចម្បងក្នុងការចម្អិននំរបស់គេ។ នៅទីនេះមាននំបង្អែមមានភាពរមួត ផ្អែម
និងប្លែកឆ្ងាញ់ដែលធ្វើអោយអ្នកដែលបានសាកហើយពិតជាមិនអាចដកចិត្តបាន។
Source (https://inspiredbymaps.com/chia-te-bakery-pineapple-cakes-taipei/)
- SunnyHills (微熱山丘) ហាងនេះប្រើប្រាស់ផ្លែម្នាស់ថ្មីៗទាំងស្រុង ក្នុងការធ្វើនំរបស់ពួកគេដោយដៃ ដែលជាមូលហេតុធ្វើឱ្យនំរបស់ពួកគេអាចទុកបានត្រឹមក្នុងរយៈពេលខ្លីតែប៉ុណ្ណោះ។
Source (http://www.trickytaipei.com/sunny-hills-best-pineapple-cake/)
- Chengdu Yangtaobing ជាហាងដែលមានមនុស្សតម្រង់ជួរជាច្រើន ជាពិសេសនៅរដូវក្តៅ ព្រោះភេសជ្ជៈពិសេសរបស់ពួកគេ គឺភេសជ្ជៈម្នាស់ ដែលមានរសជាតិជូរ និងផ្អែមលាយគ្នាយ៉ាងត្រជាក់ឆ្ងាញ់ប្លែក។
Source (https://jenitadarmento.com/tag/cheng-dou-yang-tao-bing/)
តើអ្នកចង់ភ្លករសជាតិស្ករម្នាស់ដ៏ប្លែករបស់ពួកគេទេ?