តារាខ្មែរមួយប្រទេស! បង្ហាញអារម្មណ៍សោកសៅខ្លាំង ក្រោយទទួលដំណឹងមរណភាព នាយ សានម៉ៅ!

ភ្នំពេញ៖ ដំណឹងដ៏សោកសៅបំផុត តារាកំប្លែងជើងចាស់ដ៏មានប្រជាប្រិយភាពខ្លាំង នាយ សានម៉ៅ បានទទួលមរណភាពកាលពីម្សិលមិញនេះម៉ោង៦ល្ងាច នៅមន្ទីរពេទ្យប្រទេសថៃ ក្រោយមិនអាចទ្រាំនឹងជំងឺរបស់ខ្លួន ដែលឈឺអស់ពេលជាច្រើនឆ្នាំមកនេះបាន។

ជាមួយនឹងការសោកសៅមួយនេះ បានធ្វើឲ្យអ្នកសិល្បៈសឹងតែមួយប្រទេសពិតជាក្តុកក្តួលនៅក្នុងចិត្ត សឹងតែមិនទទួលយកបាន ព្រោះលោកបានចាកចេញទៅយ៉ាងឆាប់រហ័សយ៉ាងដូច្នោះ មិនត្រឹមតែប៉ុណ្ណោះការបាត់បង់ធនធានសិល្បៈ ដែលធ្លាប់តែធ្វើឲ្យហ្វេនសើចសប្បាយអស់ពេលជាច្រើនឆ្នាំមកនេះ។

ទន្ទឹមនឹងនេះដែរ តារាជាច្រើនដួងបាននាំគ្នាបង្ហាញនូវអារម្មណ៍សោកសៅយ៉ាងខ្លាំង ចូលរួមរំលែកទុក្ខ តាមរយៈការបង្ហោះសារ នៅលើបណ្តាញសង្គម ក្រោយទទួលបានដំណឹងដ៏ក្តុកក្តួលមួយនេះ។

ដោយក្នុងនោះមិនត្រឹមតែមានតារាវ័យក្មេងជំនាន់ក្រោយនោះទេ សូម្បីតែមិត្តរួមសិល្បៈដែលធ្លាប់ធ្វើការជាមួយគ្នាអស់ពេលជាច្រើនឆ្នាំមកនេះ ដូចជាអ្នកនាងគ្រត នាយកុយ និងខាត់ សុឃីម ក៏កាន់តែសោកសៅយ៉ាងខ្លាំង ព្រោះលោកបានចាកចេញយ៉ាងលឿន៕

សូមទស្សនារូបភាពខាងក្រោមនេះ៖