ភ្នំពេញ៖ ដូចប្រិយមិត្តជាច្រើនបានដឹងហើយថា ពិធីករពូកែសម្តីលោក ប៉ែន ចំរុ៉ង បច្ចុប្បន្ននេះកាន់តែមានភាពផ្អែមល្ហែមជាមួយនឹងគូអានាគតកាន់តែខ្លាំងឡើងគួរឲ្យសរសើរ ស្របពេលដែលកាន់តែលេចលឺថ្ងៃចូលរោងជ័យនៅក្នុងឆ្នាំនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងមុននេះបន្តិច អនាគតភរិយារបស់តារាប្រុសរូបនេះ បានធ្វើការបង្ហាញនូវរូបភាពមួយសន្លឹក ជាមួយនឹងការតុបតែងខ្លួនយ៉ាងស្រស់សោភាក្នុងឈុតកូនក្រមុំយ៉ាងគួរឲ្យសរសើរ ដែលត្រូវគេបានដឹងថាជាការតុបតែងខ្លួន ដើម្បីថតPre Wedding ក្នុងការត្រៀមចូលរោងការខាងមុខនេះ។
ជាមួយគ្នានេះដែរ ឃើញថាមុខមាត់អនាគតភរិយាលោកពិតជាស្រស់ស្អាតខ្លាំង ជាមួយនឹងភាពរីករាយនៅក្នុងចិត្ត នៅពេលដែលតែងខ្លួនបែបនេះទៅហើយ ចុះទម្រាំដល់ថ្ងៃជ័យមង្គលនោះ មិនដឹងជាស្អាតខ្លាំងបែបណានោះទេ។
យ៉ាងណាមិញទោះបីជារូបភាពតុបតែងខ្លួន ពេលថត Pre wedding នេះត្រូវបានបញ្ចេញខ្លះៗយ៉ាងណាក្តី តែនៅតែមិនទាន់លេចធ្លាយនូវថ្ងៃពិតប្រាកដនៃថ្ងៃចូលរោងការរបស់តារាប្រុសរូបនេះ និងអនាគតភរិយាដែរ៕
សូមទស្សនារូបភាពខាងក្រោមនេះ៖