ទោះម្តាយទើបតែស្លាប់ តែឡេង មុន្នីរចនា មិនមើលនឹងភ្នែក ទៅលើកទឹកចិត្ត អ៊ុក ដារ៉េត ដែលម្តាយទើបស្លាប់ថ្មីៗដូចគ្នា!

ភ្នំពេញ៖​ដូចប្រិយមិត្តជាច្រើនបានដឹងហើយថា កាលពីពេលថ្មីៗនេះ តារាសម្តែងស្រី ឡេង មុន្នីរចនា​ បានជួបទុក្ខជាទម្ងង់ ក្រោយអ្នកម្តាយជាទីស្រលាញ់ បានទទួលមរណភាពទៅទាំងក្តីសោកស្តាយយ៉ាងខ្លាំង ត្រឹមរយៈពេលដ៏ខ្លី។

មិនបានប៉ុន្មានផង តារាសម្តែងភេទទី៣ម្នាក់ទៀត អ៊ុក ដារ៉េត​ ក៏បានទទួលដំណឹងមិនល្អបាត់បង់អ្នកម្តាយដូចគ្នា ដោយសារតែជំងឺ គ្មានប្រាក់សូម្បីតែធ្វើបុណ្យជូនម្តាយ ក្នុងឱកាសបុណ្យភ្ជុំបិណ្ឌតែម្តង។

ទន្ទឹមនឹងថ្ងៃដ៏សោកសៅបែបនេះ តារាសម្តែងស្រី ឡេង មុន្នីរចនា ដែលទើបនឹងបាត់បង់ម្តាយដូចគ្នានោះ មិនមើលនឹងភ្នែកនោះទេ បានធ្វើការទៅសួរសុខទុក្ខ និងផ្តល់កម្លាំងចិត្ត ថវិកាមួយចំនួនជូនដល់តារាភេទទី៣រូបនេះ ដែលទើបតែបាត់បង់ម្តាយ។

ជាមួយគ្នានេះដែរ បណ្តាអ្នកគាំទ្រជាច្រើន ពិតជាសរសើរដល់ទឹកចិត្តនាង ដែលទោះបីជាកំពុងតែជួបបញ្ហា ពិបាកចិត្ត ដែលម្តាយទើបស្លាប់យ៉ាងណាក្តី តែនាងនៅតែទៅចូលបុណ្យ លើកទឹកចិត្ត ដែលទើបនឹងបាត់បង់ម្តាយដូចគ្នា៕

សូមទស្សនារូបភាពខាងក្រោមនេះ៖