ជប៉ុន៖ កាលពីម្សិលមិញនេះ ក្រុមចម្រៀងកូរ៉េដ៏ល្បី IZ*ONE បានធ្វើការប្រគំតន្ត្រីរបស់ខ្លួនជាលើកដំបូងក្នុងប្រទេសជប៉ុន ដែលមានឈ្មោះថា “EYES ON ME” ធ្វើឡើងក្នុងរោងមហោស្រព Saitama Super Arena។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រគំតន្ត្រីនោះដែរ ក្រុម IZ*ONE ត្រូវសម្តែងលើឆាករយៈពេល ២ម៉ោង ដែលពួកគេបានច្រៀងចម្រៀងល្បីៗរបស់ខ្លួនជាច្រើន ដោយក្នុងនោះ ក៏មានបទ “Vampire” ដែលជាបទថ្មីរបស់ពួកគេផងដែរ។
ក៏ប៉ុន្តែអ្វីដែលគួរឲ្យភ្ញាក់ផ្អើលនោះ នៅពេលជិតចប់កម្មវិធីប្រគំតន្ត្រីនោះទៅហើយ ស្រាប់តែសមាជិកមួយរូបគឺនាង Wonyoung បានសុំចេញពីកម្មវិធីទៅផ្ទះមុនគេ ហើយរូបនាងមិនបានច្រៀងបិទកម្មវិធីជាមួយក្រុមនោះទេ។
ក្នុងនោះដែរ រឿងរ៉ាវនេះបានធ្វើឲ្យមហាជនជាច្រើនងឿងឆ្ងល់ជាខ្លាំង ចំពោះការចាកចេញមុនគេរបស់នាង។ ក៏ប៉ុន្តែទាំងនេះ គឺជាច្បាប់ប្រទេសសម្រាប់តារាក្រោយវ័យ១៨ឆ្នាំគ្រប់រូប ព្រោះថាក្នុងច្បាប់ប្រទេសកូរ៉េ បានចែកថា “ធានានៃការសម្រាកនិងការគេង” សម្រាប់តារាដែលមានវ័យក្រោម១៨ឆ្នាំ។ ដូច្នេះហើយនាង Wonyoung ទើបតែមានអាយុ ១៥ ឆ្នាំ រូបនាងត្រូវតែចេញពីការប្រគំតន្ត្រីម៉ោង ៩ ព្រោះថារាល់សកម្មភាពរបស់ពួកគេនឹងត្រូវផ្អាកនៅម៉ោង ១០ យប់ ដើម្បីទុកពេលឲ្យពួកគេសម្រាក និងគេងឲ្យបានគ្រប់គ្រាន់។
ទោះជាយ៉ាងណាក្តី ទាំងនេះគឹជាច្បាប់សម្រាប់ប្រទេសកូរ៉េ ក៏ប៉ុន្តែបើទោះជាការប្រគំតន្ត្រីនេះក្នុងប្រទេសជប៉ុនក្តី ក៏ច្បាប់នេះ នៅតែអនុវត្តដែរ ព្រោះថាក្នុងប្រទេសជប៉ុន ក៏ប្រកាន់ភ្ជាប់ច្បាប់នេះដូចគ្នា៕
តើប្រិយមិត្តយល់យ៉ាងណាដែរ?