អេស្ប៉ាញ៖ កាលពីរាត្រីថ្ងៃអង្គារកន្លងទៅនេះក្រុមអ្នកបុណ្យ Barcelona បានបើកទ្វារកីឡដ្ឋាន Camp Nou ស្វាគមន៍ក្រុម Villareal ដែលការប្រកួតបញ្ចប់ទៅដោយ Barcelona យកឈ្នះ Villareal ក្នុងលទ្ធផល២-១ ដែល Barcelona ទទួលបាន៣ពិន្ទុបន្ថែមឈរក្នុងចំណាត់ថ្នាក់លេខ៤ តាមពីក្រោយក្រុមលេខ១ Granada ១ពិន្ទុ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាពួកគេទទួលបានជ័យជម្នះកាលពីយប់មិញក៏ពិតមែនប៉ុន្តែ Barcelona មិនសូវជាសប្បាយចិត្តប៉ុន្មាននោះទេដោយបាត់បង់កីឡាករសំខាន់១រូបគឺកីឡាករ Lionel Messi ដោយសាររបួស។
Messi ត្រូវបានផ្លាស់ប្ដូរចេញនៅនាទីទី៤៦ ក្រោយ ESPN បានបញ្ជាក់ថា Messi ហាក់រងរបូសសាច់ដុំភ្លៅក្បែរក្រលៀន ដោយត្រូវបានជំនួសដោយកីឡាករ Ousman Dembele។
Messi នឹងក្លាយជាការបាត់បង់ដ៏ធំមួយសម្រាប់ក្រុមលោក Valverde ដោយកន្លងទៅនេះយើងអាចមើលឃើញជាក់ស្ដែងថា Barcelona ហាក់ធ្វើមិនសូវបានល្អពេលគ្មានវត្តមាន Messi ដោយ Barcelona ឈ្នះតែម្ដងគត់ក្នុងចំណោម៨ប្រកួតចុងក្រោយដោយគ្មាន Messi ៕
ប្រភព៖ Bleacherreport